У Расіі прапанавалі правяраць сэксуальную арыентацыю чыноўнікаў
Але з метадам пакуль не вызначыліся.
Аляксандр Хінштэйн. Фота: Дзярждума
Дэпутат расійскай Дзярждумы Аляксандр Хінштэйн прапанаваў правяраць сэксуальную арыентацыю чыноўнікаў. На яго думку, «зонамі недаступнасці павінны быць тыя ўстановы, структуры органы ўлады, якія непасрэдна звязаныя з выхаваннем і фарміраваннем дзяцей, падлеткаў і моладзі».
«Я не бачу ў такой праверцы нічога заганнага і дрэннага. Абарона традыцыйных сямейных каштоўнасцяў — адзін з пастулатаў дзяржаўнай палітыкі, і да людзей, якія гэтым займаюцца, неабходна падыходзіць асабліва ўважліва.
У мяне ў самога двое дзяцей. І я дакладна быў і буду супраць таго, каб хтосьці з настаўнікаў маіх сыноў прадстаўляў нетрадыцыйныя сэксуальныя каштоўнасці», — адзначыў Хінштэйн у інтэрв'ю oboz.info.
У пачатку красавіка Хінштэйн абвінаваціў міністра моладзевай палітыкі Самарскай вобласці Сяргея Бурцава ў тым, што той з'яўляецца геем і «прапагандуе ЛГБТ». У выніку Бурцаву прыйшлося падаць у адстаўку.
Чытайце таксама:
Мінкульт Беларусі аднёс да парнаграфіі дэманстрацыю нетрадыцыйных адносін
«Журы хацела нейкай драмы». ЛГБТ-актывіст з Беларусі выступіў на папулярным польскім шоу
