Фанаты «Спартака» зладзілі беспарадкі ў Більбаа перад матчам Лігі Еўропы, памёр паліцыянт ФОТЫ
Заўзятары маскоўскага «Спартака» і фанаты «Атлетыка» з Більбаа перад пачаткам матча Лігі Еўропы зладзілі сутыкненні на вуліцах горада. Пазней яны перараслі ўжо ў сутыкненні з паліцэйскімі.
Па папярэдніх дадзеных, пацярпелі тры чалавекі, паліцыя затрымала пяцярых фанатаў «Спартака».
Напярэдадні мясцовыя заўзятары правялі «антыфашысцкае шэсце» з-за прыезду ў горад групы падтрымкі маскоўскай каманды. У акцыі ўдзельнічалі каля 250 чалавек.
Кіраўнік футбольнай лігі Іспаніі Хаўер Тэбас заявіў, што «супраць гвалту ультрас трэба праявіць сілу, нельга здавацца, трэба зрабіць усё магчымае, каб знішчыць яго раз і назаўжды», — сказаў ён.
Акрамя таго, па дадзеных Reuters, паліцэйскі, які браў удзел ва ўціхамірванні заўзятараў, памёр ад сардэчнага прыступу.
У першай сустрэчы 1/16 фіналу Лігі Еўропы, у Маскве, «Спартак» прайграў з лікам 1:3. У Більбао 22 лютага адбылася матч у адказ. «Спартаку» ўдалося перамагчы ў гасцях з лікам 2:1, аднак па выніках двух матчаў у наступны этап прайшоў «Атлетык».
