У ініцыятыве Васкрасенскага патлумачылі, каго з палітвязняў адносяць да экстрэмістаў
На нарадзе 6 верасня Аляксандр Лукашэнка загаварыў пра амністыю. Адпаведны ўказ рыхтуе Міністэрства ўнутраных спраў супольна з Вярхоўным судом і Генпракуратурай. Лукашэнка асобна адзначыў, што «бандыты і экстрэмісты» пад амністыю падпасці не павінны. Каго ж адносяць да экстрэмістаў, а каго не?
Сярод знакавых беларускіх палітвязняў — Марыя Калеснікава, паплечніца Святланы Ціханоўскай і Віктара Бабарыкі. Фота AP via Sputnik
Раней за гэтую тэму адказвала ініцыятыва Юрыя Васкрасенскага. Наколькі стала вядома «Нашай Ніве», цяпер яны прапануюць амністыю для асуджаных па выніках падзей 2020-га года ў фармулёўцы «за выключэннем асуджаных па экстрэмісцкіх артыкулах, а таксама уключаных у спіс асоб, якія маюць дачыненне да тэрарыстычнай дзейнасці».
Якія ж артыкулы там называюць «экстрэмісцкімі»? Ад асоб з кола Юрыя Васкрасенскага «Нашай Ніве» стала вядома, што ў іх ініцыятыве як такія разглядаюць наступныя артыкулы: заклікі да незаконнага захопу ўлады, гвалтоўнага змянення канстытуцыйнага ладу, публічнае апраўданне тэрарызму, гвалт у дачыненні да службовых асоб, распаўсюджванне персанальных даных, публічныя заклікі да санкцый, распраў, падпалаў, гвалту і ажыццяўленне падобных актаў.
Выглядае, што ў выпадку такога падзелу на свабодзе не выйдуць палечніца Святланы Ціханоўскай і Віктара Бабарыкі Марыя Калеснікава, блогер Сяргей Ціханоўскі, палітык Мікола Статкевіч ды іншыя вядомыя лідары руху за свабодныя выбары. Зрэшты, не выключана, што пытанне маштабу амністыі яшчэ рашаецца.
такія ліхія часы, што на добрае думаць не выпадае (