Украінская армія ўвайшла ў Святагорск на Данеччыне
Сілы абароны Украіны на Данеччыне ўвайшлі ў горад Святагорск і праводзяць зачыстку мясцовасці, паведамляе на падставе інфармацыі сваіх крыніц «Украінская праўда».
Афіцыйных паведамленняў Генштаба або Мінабароны пакуль няма, але ў сацсетках ужо з'явіліся фота паднятага на ганку гарадской рады ўкраінскага сцяга, а таксама байца Нацгвардыі Віталя Маркава з надпісам «Мы ў Святагорску».
Гэты горад з насельніцтвам 4000 чалавек на левым беразе ракі Северскі Данец быў захоплены расійскімі войскамі 7 чэрвеня. Ён знаходзіцца за 10 кіламетраў на паўночны захад ад Лімана. Пры гэтым праваслаўная Святагорская лаўра, размешчаная на іншым беразе ракі Северскі Данец, заставалася пад кантролем украінскіх сіл, хоць і пацярпела ад абстрэлаў.
54
1
0
1
2
2
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера