Знайсці
07.10.2022 / 12:04 33

Алесь Бяляцкі атрымаў Нобелеўскую прэмію міру

Нарвежскі нобелеўскі камітэт сёння аб'явіў у Осла лаўрэатаў Нобелеўскай прэміі міру за 2022 год. Імі сталі беларус Алесь Бяляцкі і прадстаўнікі праваабарончых арганізацый «Мемарыял» з Расіі і «Цэнтр грамадзянскіх свабод» з Украіны. Гэта другая Нобелеўская ўзнагарода за гісторыю Беларусі. Першую ў 2015 годзе атрымала пісьменніца Святлана Алексіевіч.

На прэмію штогод прэтэндуюць сотні кандыдатаў. Сярод іх сёлета былі Сусветная арганізацыя аховы здароўя, «Рэпарцёры без межаў», расійскі апазіцыйны палітык Аляксей Навальны, біёлаг і пісьменнік Дэвід Этэнбара. Таксама ў спісе фігуравалі Грэта Тунберг, Біл Гейтс, міністр замежных спраў Тувалу Сайман Кофэ і Святлана Ціханоўская.

У пазамінулым годзе Нобелеўскую прэмію міру атрымала Сусветная харчовая праграма ААН за «высілкі ў барацьбе з голадам, за ўнёсак у дасягненне міру ў зонах канфліктаў і за дзейнасць у якасці вядучай сілы ў дзеяннях, што прадухіляюць выкарыстанне голаду як зброі вайны ці канфліктаў». У мінулым — два журналісты, расіянін Дзмітрый Муратаў і філіпінка Марыя Рэса.

Згодна з запаветам Альфрэда Нобеля, прэмія міру прысуджаецца асобе ці арганізацыі, «якая найбольш і найлепш за усіх папрацавалі для ўмацавання братэрства паміж народамі, для таго, каб распусціць ці скараціць дзейныя арміі, альбо таму, хто спрыяў правядзенню мірных перамоваў».

60-гадовы Алесь Бяляцкі два тыдні таму адзначыў свой юбілей у турме. Ëн з 2021 года знаходзіцца ў зняволенні за сваю праваабарончую дзейнасць. Бяляцкі не першы раз у зняволенні. Улады ўжо арыштоўвалі яго на пачатку 2010-х. Але ён не пакінуў справы свайго жыцця — праваабарончага цэнтра «Вясна», які ён стварыў у 1996-м.

Алесь Бяляцкі быў адным з пачынальнікаў руху за незалежнасць Беларусі яшчэ на пачатку 1980-х. І стаў адным з сімвалаў барацьбы беларускага народа за свабоду, правы і супраць вайны.

Чытайце таксама:

Хто такі Алесь Бяляцкі — беларускі праваабаронца, які атрымаў Нобелеўскую прэмію?

Жонка Алеся Бяляцкага: Баюся спадзявацца

Святлана Ціханоўская: Алесь Бяляцкі — гонар беларусаў

Старшыня Нарвежскага Нобелеўскага камітэта заклікала беларускія ўлады вызваліць Бяляцкага з турмы

Алесю Бяляцкаму — 60 гадоў. Ужо 14 месяцаў ён знаходзіцца за кратамі

Бяляцкі з СІЗА: Расійскіх серыялаў тут наглядзеўся да канца жыцця, але з захапленнем сачу за Лігай чэмпіёнаў

Алесь Бяляцкі пра выбары: Мільёны людзей у Беларусі жадаюць зменаў

Алесь Бяляцкі ў «Току»: пра зону, свае наколкі і прэзідэнцтва ВІДЭА

Алесь Бяляцкі: Што я вынес з турмы 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
4
Amon / адказаць
07.10.2022
гобба, Чьих,холоп, будешь?(пробуя розги)  
2
Amon / адказаць
07.10.2022
Пожалуй,это не у нас извращенное мышление. именно так мыслят и действуют руские. 


0
Отож! / адказаць
07.10.2022
Есть среди беларусов много достойных сынов и отцов. Беляцкий не скакал по телеэкранам и не красовался; настоящий герой не выпячивает свою грудь из каждого экрана.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31