Аранжавы ўзровень небяспекі ў панядзелак — чакаецца снег і моцны вецер
Пераважна воблачнае надвор'е, моцны снег і ўзмацненне ветру ў некаторых рэгіёнах чакаюцца ў Беларусі 16 студзеня.
Моцны снег сіноптыкі прагназуюць у Віцебскай і Мінскай абласцях ноччу 16 студзеня і днём месцамі па паўночным усходзе, у сувязі з чым аб'яўляецца аранжавы ўзровень небяспекі. На поўначы рэспублікі ўзмоцніцца вецер, яго парывы будуць дасягаць 15-20 м/с.
У цэлым па краіне будзе пераважаць воблачнае надвор'е. На большай частцы тэрыторыі Беларусі чакаюцца ападкі — снег, мокры снег, дождж.
У асобных раёнах будуць назірацца туман і галалёд, на дарогах магчымая галалёдзіца. Вецер будзе паўднёвы, ноччу —парывісты, асабліва ў паўночнай частцы краіны. На астатняй частцы рэспублікі вецер будзе моцны, парывісты, а днём умераны.
Тэмпература паветра на працягу сутак будзе вагацца ад мінус 3 да плюс 3 градусаў. Днём па захадзе краіны чакаецца да 5 градусаў вышэй за нуль.
