Aranžavy ŭzrovień niebiaśpieki ŭ paniadziełak — čakajecca śnieh i mocny viecier
Pieravažna vobłačnaje nadvorje, mocny śnieh i ŭzmacnieńnie vietru ŭ niekatorych rehijonach čakajucca ŭ Biełarusi 16 studzienia.
Mocny śnieh sinoptyki prahnazujuć u Viciebskaj i Minskaj abłaściach nočču 16 studzienia i dniom miescami pa paŭnočnym uschodzie, u suviazi z čym abjaŭlajecca aranžavy ŭzrovień niebiaśpieki. Na poŭnačy respubliki ŭzmocnicca viecier, jaho paryvy buduć dasiahać 15-20 m/s.
U cełym pa krainie budzie pieravažać vobłačnaje nadvorje. Na bolšaj častcy terytoryi Biełarusi čakajucca apadki — śnieh, mokry śnieh, doždž.
U asobnych rajonach buduć naziracca tuman i hałalod, na darohach mahčymaja hałalodzica. Viecier budzie paŭdniovy, nočču —paryvisty, asabliva ŭ paŭnočnaj častcy krainy. Na astatniaj častcy respubliki viecier budzie mocny, paryvisty, a dniom umierany.
Tempieratura pavietra na praciahu sutak budzie vahacca ad minus 3 da plus 3 hradusaŭ. Dniom pa zachadzie krainy čakajecca da 5 hradusaŭ vyšej za nul.
