U Biełarusi zabaronieny prodaž šakaładnaha paraška Nesquik

Pra heta paviedamlajecca ŭ pres-relizie, raźmieščanym na sajcie Ministerstva handlu Biełarusi. Pryčyna — mahčymaja najaŭnaść u im uzbudžalnikaŭ — vostrych kišačnych infiekcyj — salmanieł.

U pres-relizie havorycca: «Na sajcie Upraŭleńnia ZŠA pa nahladzie za jakaściu charčovych praduktaŭ i lekavych srodkaŭ raźmieščana infarmacyja ab dobraachvotnym adklikańni z prodažu šakaładnaha paraška Nestlé Nesquik u suviazi z mahčymaj najaŭnaściu ŭ im uzbudžalnikaŭ vostrych kišačnych infiekcyj — salmanieł.

Pa najaŭnaj infarmacyi šakaładny parašok Nestlé Nesquik raspaŭsiudžvaŭsia na terytoryi ZŠA, razam z tym nie vyklučajecca mahčymaść pastupleńnia jaho ŭ inšyja krainy.

TAA «Niestle Rasija» śćviardžaje, što hetaje adklikańnie šakaładnaha chutkarastvaralnaha napoju

raspaŭsiudžvajecca tolki na rynak ZŠA, bo dadzieny pradukt, vyrableny ŭ ZŠA, na rynki Jeŭropy i krain SND nie pastaŭlajecca.

Asablivuju ŭvahu kampanija źviartaje na toje, što krynicaj mahčymaha zaražeńnia moh źjaŭlacca karbanat kalcyja, jaki nie ŭvachodzić u recepturu napoju, pryznačanaha dla vytvorčaści i realizacyi na terytoryi .

Tym nie mienš, Ministerstvam achovy zdaroŭja Respubliki Biełaruś prapanavana pryniać miery pa niedapuščeńni abarotu i kanfiskacyi ŭ vypadku vyjaŭleńnia na terytoryi Respubliki Biełaruś nastupnaj pradukcyi:

Šakaładny parašok Nestlé Nesquik, vyrableny ŭ pačatku kastryčnika 2012 hoda i rasfasavany ŭ kanistry pa 10,9, 21,8 i 40,7 uncyj (uncyja ~ 30 mł.). Termin prydatnaści — kastryčnik 2014.

Minhandlu

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH