«Biełtelekam» pavysiŭ taryfy na internet-dostup i Zala

RUP «Biełtelekam» z 18 studzienia pavysiŭ košt pasłuh pradastaŭleńnia dostupu ŭ Internet (byfly) i interaktyŭnaha telebačańnia (Zala).

Ceny na pasłuhi internet-dostupu, jak adznačyli ŭ kampanii, pavialičylisia ŭ siarednim na 9,7%. Adnak na niekatorych papularnych taryfnych płanach jany pavialičylisia bolš jak na 20%. Interaktyŭnaje telebačańnie padaražeła ŭ siarednim na 10%. Akramia taho, u siarednim na 10% pavysilisia rascenki na zvanki z haradskich telefonaŭ na numary abanientaŭ sotavych apierataraŭ.

Taksama padaraželi dadatkovyja pasłuhi miascovaj telefonnaj suviazi, daviedačna-infarmacyjnyja pasłuhi, niekatoryja pasłuhi chostynhu, što pradastaŭlajucca Centram apracoŭki danych RUP «Biełtelekam».

Pavyšeńnie taryfaŭ nacyjanalny apieratar elektrasuviazi rastłumačyŭ nieabchodnaściu madernizacyi sietki, nabyćcia sučasnaha abstalavańnia, raspracoŭki najnoŭšych techničnych rašeńniaŭ, što nieabchodna dla dalejšaha raźvićcia telekamunikacyjnych technałohij i zabieśpiačeńnia vysokaj jakaści pasłuh.

U studzieni RUP «Biełtelekam» pavyšaŭ užo taryfy.

Z 1 studzienia ŭstupili ŭ siłu źmianieńni i dapaŭnieńni ŭ Padatkovy kodeks Biełarusi, jakija byli pryniaty 26 kastryčnika 2012 hoda. Pasłuhi suviazi, jakija akazvajucca fizičnym asobam, stali abkładacca padatkam na dabaŭlenuju vartaść. U suviazi z hetym kampanija pavysiła na 20% košt pasłuh suviazi dla fizičnych asob.

BiełTA

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH