Nasupierak abiacańniu Davydźki, «Biełaruś-3» nie budzie całkam biełaruskamoŭnym kanałam

Z 8 lutaha ŭ Biełarusi pačniecca testavaje viaščańnie «Biełaruś-3», jašče adnaho telekanała Biełteleradyjokampanii. U aficyjnym pres-relizie havorycca, što meta kanała — «zabiaśpiečyć aśviatleńnie dziaržaŭnaj infarmacyjnaj palityki ŭ halinie kulturnaha žyćcia krainy».

Nie budziem narakać, što stvareńnie «Biełaruś-3» zatrymałasia na niekalki miesiacaŭ. Uzhadajem dakładnuju cytatu Hienadzia Davydźki, apublikavanuju ŭ łukašenkankaŭskaj «Sovietskoj Biełoruśsii» ŭ kastryčniku 2011 hoda:

«Biełaruś 3» abjadnaje ŭvieś kantent, jaki padychodzić pad vyznačeńnie «Spadčyna» (heta pracoŭnaja nazva), u efiry jakoha źjaviacca novyja prajekty pra kulturu, historyju, šedeŭry suśvietnaha kino — i ŭsio budzie tolki na biełaruskaj movie».

Niahledziačy na skieptyčnaje staŭleńnie da miedyjnaha praduktu, jaki vyrablajecca na BT, hramadskaść uspryniała abiacańnie Davydźki z entuziazmam.

Całkam biełaruskamoŭny telekanał, chaj i tolki pra kulturu, spryjaŭ by pašyreńniu śfiery ŭžytku biełaruskaj movy.

Adnak vieryć słovam Davydźki, jak vyjaviłasia, naiŭna. Słovy pra biełaruskamoŭnaść kanała ź jahonaj rytoryki źnikli, a ŭ pres-relizie Biełteleradyjokampanii źjavilisia anonsy pieradač z rasijskamoŭnymi nazvami.

Dyrektar novaha telekanała Viktar Majučy, jaki prymaje ŭdzieł u mnohich kanfierencyjach u jakaści načalnika adździeła Infarmacyjna-analityčnaha centra pry Administracyi prezidenta, na praciahu niekalki dzion nie davaŭ nijakich kamientaroŭ nakont svajoj novaj pasady. I voś ciapier narešcie adbyłasia anłajn-kanfierencyja na sajcie Biełteleradyjokampanii z Majučym, padčas jakoj jon adkazaŭ na pytańni nakont novaha kanała.

Ci budzie kanał całkam biełaruskamoŭnym? «My budziem da hetaha imknucca. Na siońnia sietka viaščańnia składajecca prykładna na 70% ź biełaruskamoŭnych prahram. Ale chaču adznačyć, što

my nie pavinny zabyvać pra dvuchmoŭje ŭ nas u krainie i pra dźvie dziaržaŭnyja movy. Abjektyŭna hety kanał nie moža być tolki biełaruskamoŭnym. Naturalna, buduć prysutničać prahramy i na ruskaj movie», —

Teleprahrama "Biełaruś-3" na pieršyja dni pracy.

Jahor Marcinovič

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0