Rasiejskaja mova «łajt»: va ŭradzie vyrašyli, što mihrantam treba viedać 850 słoŭ

Pracoŭnyja mihranty pavinny viedać jak minimum 850 rasiejskich słoŭ — takija patrabavańni da bazavaha ŭzroŭniu vałodańnia rasiejskaj movaj, tekst zakonaprajekta raźmieščany ŭ sieradu na sajcie Ministerstva adukacyi i navuki Rasii.

Zaraz možna paŭdzielničać u stvareńni pravavoha akta, nakiravaŭšy Minadukacyi svaje prapanovy i zaŭvahi pa elektronnaj pošcie.

Zamiežniki, zhodna z dakumientam, pavinny ŭmieć čytać tekst, vyznačać jaho temu i ahulny sens, a taksama razumieć na słych asnoŭnuju infarmacyju z dyjałohaŭ sacyjalna-bytavoha charaktaru. Akramia taho, mihrant pavinien być u stanie jak vymavić, tak i napisać źviaznyja, łahičnyja frazy. Testavańnie pravodzicca pa raździełach «Hramatyka, leksika», «Čytańnie», «aŭdziravańnie», «piśmo», «maŭleńnie».

Pry hetym, zychodziačy ź linhvistyčnych normaŭ, leksičny minimum kala 800 słoŭ ličycca dastatkovym dla elemientarnaha ŭzroŭniu vałodańnia rasiejskaj movaj jak zamiežnaj. 500 słoŭ ličacca dastatkovymi dla pabudovy elemientarnaha vykazvańnia z 6–7 frazaŭ i ŭdziełu ŭ dyjałohu z 5–6 replik. Bazavy leksičny minimum rasiejskaj movy naličvaje 1300 słoŭ, minimum u 3000 słoŭ dazvalaje razumieć da 95% luboha tekstu.

U inšym prajekcie zahadu «Ab arhanizacyi testavańnia pa rasiejskaj movie jak zamiežnaj», taksama raźmieščanaj na sajcie ministerstva, vyznačajucca praviły praviadzieńnia testavańnia i adbory VNU, na bazie jakich buduć ekzamienavać mihrantaŭ. Univiersitety pavinny mieć admysłovyja centry testavańnia z dośviedam raboty ŭ hetaj halinie nie mienš za dziesiać hadoŭ.

newsru.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0