Kupałaŭski teatr źjechaŭ u Kitaj
Kupałaŭski teatr vypraviŭsia ŭ Piekin, kab pryniać udzieł u mižnarodnym teatralnym fiestyvali. Zaraz trupa ŭžo znachodzicca ŭ darozie.
Fiestyval pačniecca paślazaŭtra, 28 lutaha, i budzie praciahvacca da 8 sakavika.
Kitajskija hledačy ŭbačać dźvie pastanoŭki. Pieršaja, «Viasielle», pastaŭlenaja pavodle adnajmiennaj pjesy Antona Čechava, ujaŭlaje saboj pastanoŭku ŭ žanry «SounDrama» (spałučeńnie dramatyčnaha mastactva, muzyki, chareahrafii i płastyki).
Cikava, siarod biełaruskich hledačoŭ «Viasielle» nie karystajecca vialikaj papularnaściu. A voś u śviecie — naadvarot. Kupałaŭcy pakazvali śpiektakl na hastrolach u Ispanii, Francyi, Rasii, Ukrainie, Rumynii, Hruzii i Azierbajdžanie.
Druhaja pastanoŭka, drama «Nie moj», stvorana pavodle apovieści Alesia Adamoviča «Niamko».
U 2011 hodzie na Pieršaj nacyjanalnaj teatralnaj premii śpiektakl pieramoh u piaci naminacyjach ź siami. «Nie moj» upieršyniu vyjazdžaje za miažu.
Śpiektakli byli vybrany kitajskim bokam na asnovie videazapisaŭ. Fiestyval projdzie na scenie Piekinskaha narodnaha mastackaha teatra – hałoŭnaha teatra Kitaja.