Spadarožnikavy telekanał «Biełaruś 24» pačaŭ viaščańnie na ŭsiu terytoryju Rasii
Mižnarodny spadarožnikavy telekanał «Biełaruś 24» pačaŭ viaščańnie na ŭsiu terytoryju Rasii.
Jak paviedamlaje pres-słužba Biełteleradyjokampanii, z 2007 hoda suviaź i viaščańnie telekanała na terytoryi Rasii ad Kalininhrada da Urała, krain SND, Jeŭropy, Blizkaha Uschodu i Paŭnočnaj Afryki zabiaśpiečvaŭ spadarožnik Express AM22. Pačatak viaščańnia sa spadarožnika ABS-2, jaki «istotna pierasiahaje svajho papiarednika pa techničnych paramietrach», dazvoliła značna pašyryć terytoryju achopu.
U pres-słužbie taksama zaznačyli, što ABS-2 —»adzin z samych mahutnych kaśmičnych aparataŭ, pryznačanych dla akazańnia pasłuh na terytoryi Rasii, Paŭdniova-Uschodniaj Azii, Siaredniaha Uschodu i Afryki, dziakujučy jakomu nie tolki budzie achoplena ŭsia terytoryi Rasii, ale i palepšycca jakaść pryjomu sihnału i pieraškodaabaronienaść prahram».
Patencyjnaja aŭdytoryja kanała «Biełaruś 24», u zonie tranślacyi prahram jakoha pryblizna 100 krain, składaje 270 miljonaŭ telehledačoŭ.
