Pra kachańnie Abamy zdymuć film
U nastupnym hodzie startujuć zdymki bijahrafičnaj karciny ab adnosinach niečakanych hierojaŭ — Baraka i Mišel Abamaŭ.
Budučy film «Southside With You» režysiora Ryčarda Tana raspaviadzie, jak pačynałasia historyja ich kachańnia.
Karcina pieraniasie hledača ŭ 1989 hod, kali Barak Abama byŭ studentam Harvarda, a Mišel — supracoŭnicaj jurydyčnaj firmy.
Darečy, historyju znajomstva z budučaj žonkaj Barak Abama raspavioŭ u adnym ź pieradvybarčych intervju ŭ 2012 hodzie.
Mišel vielmi doŭha nie chacieła navat iści na spatkańnie z Barakam, ale praź niekalki miesiacaŭ nastojlivych zalacańniaŭ zdałasia — i pahadziłasia na spatkańnie. Jany adpravilisia ŭ kino na dramu Spajka Li «Rabi jak treba!» («Do the Right Thing»).
Pažanilisia Barak i Mišel ŭ 1992 hodzie.
Zdymki filma pačnucca ŭ lipieni nastupnaha hoda ŭ Čykaha.
