Brytanski fast-fud dazvoliŭ źjadać kubački z-pad kavy
Posud vyrableny ź piečyva i šakaładu dy pachnie letam.
Sietka restaranaŭ chutkaha charčavańnia KFC u Vialikabrytanii pradstaviła posud dla kavy «Scoff-ee Cup», jaki možna (i treba) jeści, raspaviadaje The Daily Mirror.
Kubački vyrablenyja ź piečyva, abhornutaha ŭ cukrovuju papieru i pakrytaha biełym šakaładam. Posud spačatku ciažka kusać, ale ź ciaham času jon pačynaje rastavać i stanavicca miakčejšym.
Na šakaład naturalnymi farbavalnikami naniesieny łahatyp KFC. 100% materyjałaŭ kubačkaŭ jadomyja.
Kubački dadatkova nasyčanyja vodarami palavych kvietak, śviežapakošanaj travy i kakosavaha kremu dla zaharu. Takaja kambinacyja musić nahadvać pra ciepłyniu, leta i adpačynak.
Na siońnia «Scoff-ee Cup» znachodzicca ŭ stanie dapracoŭki i pakul nie addadzieny na źjadzieńnie naviednikam KFC. Posud raspracavany pad novuju liniejku hatunkaŭ kavy «Seattle's Best Coffee» (100% arabika).