Biełaruskaja kamanda ŭpieršyniu na podyumie «Dakara»
Biełaruski ekipaž «MAZ-Sportaŭta» Siarhieja Viazoviča (šturman Pavieł Haranin, miechanik Andrej Žyhulina) zaniaŭ druhoje miesca pa vynikach rali-marafona Dakar-2018 u katehoryi hruzaviki.
Heta pieršy podyum u historyi «Dakara» dla biełaruskaj kamandy MAZ-Sportaŭta.
Ekipaž Alaksandra Vasileŭskaha ŭ ahulnym zaliku zaniaŭ 12-je miesca, a ekipaž Alaksieja Višnieŭskaha staŭ u vyniku 13-m.
Biełaruskija honščyki ŭdzielničali ŭ rali-rejdzie «Dakar» ŭ siomy raz. Uładalnikam kamandy vystupaje Minski aŭtazavod, techničnym partnioram — telekam-apieratar velcom.
Marafon u hetym hodzie prajšoŭ pa terytoryi troch krain — Pieru, Balivii i Arhienciny. Praciahłaść tolki chutkasnych učastkaŭ skłała kala 3,5 tys. km, pryčym bolšaja častka maršrutu prachodziła pa piasčanych trasach ź vialikimi vydmami.
