«Zrabicie stryžku, jak u Leanarda Dy Kapryjo» — mianiajem vobraz supracoŭniku NN u modnym barbieršopie FOTY
Kali raniej usie masava farbavalisia ŭ błond ci čorny, to ciapier trend na jarkija kolery. Pryčym nie tolki siarod dziaŭčat. My prapanavali źmianić imidž supracoŭniku Redakcyi Jahoru Chavanskamu i adpravilisia na śmieły ekśpierymient u admysłovuju mužčynskuju cyrulniu. A zaadno daviedalisia, jakija stryžki trendavyja, ci možna paskoryć rost barady i jak stać padobnym da Breda Pita.
Novy imidž Jahoru budzie stvarać majstar cyrulni «Mužčynskaja terytoryja» na Niezaležnaści, 43 Arciom Prakopčyk.
Tak vyhladaje Jahor da pachodu ŭ cyrulniu.
Majstar Arciom biarecca za rabotu.
Pačynajem sa stryžki. Majstar raskazvaje, što samymi modnymi ciapier ličacca cezar, krop i anderkat. Što jany ź siabie ŭjaŭlajuć?
Cezar — heta vielmi karotki vierch z vyraznaj akantoŭkaj tvaru, baki i patylica vybrytyja praktyčna pad nul.
U kropie vierch daŭžejšy, časta robiacca ekśpierymienty z čubkom: jon moža być začasany hładka napierad ci rastrapany.
Što da anderkatu, to pry hetaj stryžcy vałasy na makušcy pakidajuć daŭhimi i začesvajuć na bok ci nazad.
— Časta mužčyny pakazvajuć fota akcioraŭ i prosiać zrabić hetaksama. Dla mnohich etałonami pryhažości stanoviacca Leanarda Dy Kapryjo i Bred Pit. Taksama ciapier vielmi papularny vobraz hałoŭnaha hieroja sieryjała «Vostryja kazyrki», u jaho vybryty baki.
Pry padbory stryžki majstar adšturchoŭvajecca ad formy hałavy klijenta, struktury vałasoŭ i jaho pažadańniaŭ. Dla prykładu, da vostraha tvaru padychodzić krop, da avalnaha — anderkat.
U vypadku Jahora majstar raić adraścić vierch, ale, zaŭvažaje jon, heta ŭžo pytańnie kamfortu.
Hady try tamu na piku papularnaści ŭ chłopcaŭ była pryčoska top-knot — maleńki chvościk na makušcy. Ciapier jana ŭžo mienš aktualnaja — jak i dredy. Zatoje mužčyny, jak i žančyny, padchapili trend na koski z uplacieńniem štučnych ci naturalnych vałasoŭ.
Byvaje, davodzicca adhavorvać klijentaŭ ad nieabdumanych ekśpierymientaŭ. Arciom uspaminaje, jak da jaho pryjšoŭ mužčyna, jaki chacieŭ vybryć skroni i zrabić irakiez. Uładalnikam redkich i tonkich vałasoŭ, jakija chočuć stryžku z doŭhim viercham, majstar tłumačyć, što hety varyjant dla ich niavyjhryšny.
— Ź nieardynarnaha — časta chłopcy prychodziać farbavacca. Davoli papularny papialisty koler, niekatoryja abirajuć čyrvony, fijaletavy, — raskazvaje Arciom. — Čamu papialisty ŭ modzie? Mahčyma, mužčyny chočuć zdavacca bolš stałymi.
Darečy, biełaruskaja moda na stryžki nie adroźnivajecca ad jeŭrapiejskaj: usie trendy chłopcy adsočvajuć anłajn. Krainu-zakanadaŭcu stylu składana vyłučyć — chutčej, papularnym stanovicca toje, što nosiać viadomyja akciory.
Inšaja sprava, što ŭ kožnaj nacyjanalnaści svoj typ vałasoŭ, što ŭpłyvaje na vybar pryčoski. Kali afra-amierykancy z žorstkimi i niepasłuchmianymi vałasami addajuć pieravahu karotkim stryžkam, to biełarusy, u jakich pieravažna pramyja i bolš miakkija vałasy, mohuć pahulać z daŭžynioj.
Nastupny paśla stryžki etap — aśviatleńnie vałasoŭ.
Usiaho vyłučajuć 10 tonaŭ (10-y — samy śvietły). U Jahora 4-y ton — kab farba dobra lahła, jaho treba abiaskoleryć da vośmaha. Nanosim skład i vytrymlivajem paŭhadziny.
Ciapier čarha farbavalnaha pihmientu. Dla ekśpierymientu my abrali adcieńnie «pierłamutravy błandzin» ź sieryi Hair Happiness ad biełaruskaha vytvorcy «Bielita-M». Na ŭsialaki vypadak uziali i modny koler «piepielny błandzin».
Adcieńniaŭ u sieryi až 22, ale bolšaść — vielmi naturalnyja. My ž šukajem ryzykoŭnyja.
Kremavaja formuła stojkaj farby dla vałasoŭ Hair Happiness nasyčana raślinnymi prateinami, jakija abaraniajuć cełasnaść struktury vałasoŭ padčas afarboŭvańnia, a taksama ŭtrymlivaje łanalin, jaki zachoŭvaje pruhkaść i hładkaść vałasoŭ, nadaje im blask.
Pakul majstar prafarboŭvaje pasmy, raspytvajem pra barody. Arciom kaža, jany pa-raniejšamu aktualnyja.
— Heta nieadjemnaja častka vobrazu. Barada pasuje absalutna ŭsim mužčynam. Inšaja sprava — jakaja. Kali barada hustaja, možna padabrać lubuju formu pad svoj typ tvaru. Kali jość załysiny, kaniečnie, składaniej, treba šukać varyjanty. Ale ŭ barbieršopach i cyrulniach pradajecca masa alejaŭ dla barady, jakija paskarajuć rost vałasoŭ. Tudy dadajuć kampanienty, jakija da taho ž robiać baradu bolš miakkaj, šaŭkavistaj i pasłuchmianaj. U aptecy taksama možna znajści sprei-stymulatary rostu vałasoŭ.
Adkul naohuł takaja papularnaść barbieršopaŭ u naš čas? Arciom miarkuje, heta źviazana z tym, što mužčyny stali bolš dahladać za saboj.
— I ja nie liču heta drennym, bo čałaviek pavinien zaŭsiody vyhladać pryhoža, kab usprymacca ŭ hramadstvie adekvatna.
U cyrulniu, darečy, mužčyny prychodziać nie tolki pa stryžku. Źviartajucca i pa vaskovuju depilacyja vałasoŭ u vušach i nosie. Taksama papularnaja pasłuha — čornaja maska dla ačystki poraŭ.
Apošni štrych (majstar pasypaje vałasy pudraj dla lepšaj układki) — i novaja pryčoska hatova.
Na źmienu imidžu ŭ nas syšło kala dźviuch hadzin. Aryhinalna atrymałasia?
Jak pracuje sistema abarony vałasoŭ ad suchaści i łomkaści tryvałaj krem-farby Hair Happiness:
Łanalin, prateiny soi i prateiny kukuruzy praduchilajuć pierasychańnie i razbureńnie struktury vołasu i harantujuć vydatny dahledžany vyhlad vałasoŭ.
Taksama va ŭpakoŭcy:
+ Pažyŭny balzam-dohlad dla afarbavanych vałasoŭ praduchilaje vymyvańnie pihmientu, zabiaśpiečvaje nadziejnuju abaronu adcieńnia ad vyćvitańnia i vyharańnia.
+ Vadkaść dla vyviadzieńnia farby sa skury dazvalaje chutka i biaśpiečna ačyścić jaje, kali vypadkova patrapiła farba dla vałasoŭ.
