U Kamiancy 12 tysiač rubloŭ patracili na pomnik vałoskamu arechu. Achoŭvać jaho budzie aharodža i videakamiera

Na placoŭcy kala novaj bazy MNS u Kamiancy vyras hrecki arech. Kavanaje dreŭca vyšynioj 3,5 mietry źjaviłasia dziakujučy inicyjatyvie kamunalnych słužbaŭ, paviedamlaje Kamenec.by.

Dreva vykanana mietadam ručnoha kavańnia i častkova — adliŭki ŭ kuźni. Jaho košt — kala 12 tysiač rubloŭ. Hrošy na abjekt uziali ź miascovaha biudžetu i pradpryjemstvaŭ.

Kab nikomu nie pryjšło ŭ hałavu sarvać arech na pamiać ci zabracca na dreva dla sełfi, vakoł dreva praduhledžana aharodža. Heta robicca ŭ tym liku i ŭ metach biaśpieki. U liścia vielmi vostryja krai, i parezacca ab ich možna vielmi prosta. Adsočvać «karcinku» z vałoskim arecham budzie i kamiera videanazirańnia.

0

0

0

0

0

0