U kvartale pad Minskam pabudujuć «razumnyja» kvatery. Što ŭnutry
U kvartale «Zialonaja havań» pabudujuć sicichausy z «razumnymi» kvaterami. Jany stanuć pieršymi ŭ krainie šmatkvaternymi damami, u jakich datčyki i ličbavyja pryłady stanuć častkaj azdableńnia ad zabudoŭščyka.
Kvatery z azdableńniem u sicichausach abstalujuć sistemami «razumny dom» polskaha vytvorcy Fibaro. Datčyki ŭ pakojach źbirajuć infarmacyju i pieradajuć u centr kiravańnia sistemaj. Usie dziejańni možna ździajśniać sa smartfona — praz mabilny dadatak Fibaro Home Center.
Adzin z datčykaŭ spracoŭvaje ŭ vypadku pracioku vady: apaviaščaje «mazhavy centr» i pačynaje sihnalić. Paśla hetaha kran z elektrapryvadam aŭtamatyčna pierakryje vadu, a na telefon pastupić sihnał tryvohi. Datčyk dymu ŭ svaju čarhu sumiaščaje ŭ sabie funkcyju pažarnaj sihnalizacyi: pry źjaŭleńni dymu jon pačnie hudzieć i adpravić paviedamleńnie ab niebiaśpiecy na smartfon.
Sistema taksama zdolnaja sačyć za niaprošanymi haściami. Datčyk adkryćcia dašle apaviaščeńnie, kali vypadkova pakinuć dźviery adkrytymi, a taksama dapamoža daviedacca tempieraturu ŭ kvatery ŭ biahučy momant.
Praduhledžany i razumnyja razietki, jakimi možna kiravać z dapamohaj mabilnaha dadatka. Naprykład, uklučyć kavavarku jašče ŭ łožku, naładzić kandycyjanier da viartańnia dadomu abo abiastočyć pras. U «razumny dom» taksama ŭvachodzić pryłada dla kiravańnia elektramatoram. Jaho možna vykarystoŭvać, kab zašmarhnuć štory abo apuścić žaluzi. Pry nieabchodnaści budučyja haspadary zmohuć dapoŭnić sistemu i inšymi funkcyjami.
Pakupnikam kvater u «Zialonaj havani» taksama daduć biaspłatnaje absłuhoŭvańnie na 2 hady pa prahramie «Kłopat» ad kirujučaj kampanii «A-100 kamfort». Śpiecyjalisty prasočać za stanam vulic, dvaroŭ i miescaŭ ahulnaha karystańnia, buduć dahladać zialonyja zony, dapamahać žycharam ź likvidacyjaj niaspraŭnaściaŭ. Taksama praduhledžany kruhłasutačny klijencki centr i avaryjnaja słužba. Padtrymlivać suviaź možna praz mabilny dadatak ź luboha punktu śvietu.
«Zialonaja havań» znachodzicca za 3,5 km ad kalcavoj darohi pa susiedstvie z zakaźnikam «Ścikleva». ŽK ujaŭlaje saboj zakryty kompleks płoščaj 220 ha z roznymi farmatami damoŭ u adzinaj architekturnaj stylistycy: katedžami, taŭnchausami, łajnchausami i sicichausami. Da zabudovy prymykajuć pali dla holfa čempijonskaha kłasa i holf-akademija. U najbližejšaj budučyni tut źjaviacca płoščy, bulvary, skviery, alei i miescy dla adpačynku. Asnoŭnaja ideja zabudovy — žyćcio na pryrodzie pobač ź lesam, ale z haradskim kamfortam i infrastrukturaj.
