U centry Minska pradajucca dva chosteły za $40 tysiač
Uładalnica minskich chostełaŭ Trinity&Riverside Ksienija Kuruś vyrašyła pradać svoj biznes. Pra heta jana paviedamiła na svajoj staroncy ŭ fejsbuku. Prajekt u Trajeckim pradmieści isnuje ŭžo 9 hadoŭ.
«Chłopcy i dziaŭčaty, nie vyvodžu! Vyrašyła pradać svoj fłahmanski prajekt Hostels Trinity&Riverside. Ščyra skažu, što jon ciapier minusuje, ale ŭ asnoŭnym tamu, što viektar majoj enierhii ciapier nakiravany na inšaje», — napisała Ksienija.
Chosteły znachodziacca ŭ samym centry Minska, pa adrasach: vulica Staravilenskaja, 12 i 14. U ich novaja mebla, śviežy dyzajnierski ramont. Taksama ŭ spadčynu novamu ŭładalniku biznesu dastaniecca sajt i raźvityja sacyjalnyja sietki.
Za biznes Ksienija Kuruś choča 40 tysiač dalaraŭ, raspaviała jana Onlíner. Pamiaškańni pad chosteł znachodziacca ŭ arendzie.
«Pryniała rašeńnie ab prodažy ŭčora, — dadała Ksienija. — Hetamu prajektu dzieviać hadoŭ, chosteły zasielenyja, jość broni, jość kamandy. Takim biznesam treba kiravać, naładžvać jaho, ale ŭ mianie skončylisia emacyjnyja resursy na heta. Da taho ž ja ciapier zajmajusia apieratyŭnym kiravańniem dvuch inšych prajektaŭ. Heta tury pa Biełarusi i novaja sprava — retracentr Rapa Nui. Ja zachoplena johaj, heta novy etap u maim žyćci».
