Słužba dastaŭki menu.by pačała praces likvidacyi
Słužba dastaŭki Menu.by (TAA «Mieniubaj»), jakaja ŭvachodzić u skład mižnarodnaj kampanii Menu Group UK LTD, abviaściła pra pačatak likvidacyi. Takoje rašeńnie pryniała rada dyrektaraŭ kampanii. Słužba spyniła svaju dziejnaść z 6 śniežnia, paviedamlaje smartpress.by.
Onliner.by
Adznačajecca, što pryčynaj stała adsutnaść ździełak pa prodažy abo źlićci kampanii ź mižnarodnymi słužbami dastaŭki. Pieramovy praciahvalisia bolš za paŭtara hoda, kampanija raskryła ŭsiu ŭnutranuju infarmacyju, adnak damoŭlenaści nie byli dasiahnutyja.
Akramia taho, na praciahu hetaha pieryjadu inviestary pryniali rašeńnie pra niedafinansavańnie i kasavy razryŭ u čakańni ździełki.
«Paśla taho, jak kampanija zastałasia bieź inviestycyj, menu.by akazaŭsia na miažy vyžyvańnia z apieracyjnaj strataj. Pryniatyja nami miery dazvolili značna skaracić jaho, navat niekalki miesiacaŭ atrymlivać prybytak. Ale biez dadatkovaha finansavańnia kampanija była asudžanaja. Kali stała viadoma, što ździełki pa prodažy abo źlićci kampanii nie budzie, rada dyrektaraŭ pryniała rašeńnie nie adnaŭlać finansavańnie, a likvidavać biznes, — prakamientavała Anuš Niersisian. — Jak dyrektar kampanii, ja prašu prabačeńnia va ŭsich supracoŭnikaŭ i partnioraŭ. Ja zrabiła ŭsio, što zaležyć ad mianie, kab vyratavać kampaniju, adnak klučavyja rašeńni ab jaje losie prymajuć ułaśniki biznesu, a nie najomny CEO».
