Na nastupnym tydni ŭ Biełarusi pachaładaje da -20°S
U pačatku nastupnaha tydnia nadvorje ŭ Biełarusi pačnie mianiacca. Šyroki cykłon z arktyčnym pavietram pryniasie na terytoryju našaj krainy pachaładańnie, jakoje pačniecca z paniadziełka, paviedamlaje Biełhidramiet.
U paniadziełak, 20 śniežnia, pačniecca pachaładańnie. Časam budzie iści nievialiki śnieh. Na asobnych učastkach daroh čakajecca hałalodzica. Tempieratura pavietra na praciahu sutak składzie ad nula pa paŭdniovym zachadzie da -10 pa paŭnočnym uschodzie krainy.
Z aŭtorka, 21 śniežnia, ustalujecca chałodnaje nadvorje. Na bolšaj častcy terytoryi Biełarusi projdzie nievialiki śnieh, u mnohich rajonach ustalujecca śniežnaje pokryva. Asobnyja ŭčastki daroh buduć ślizkimi. Tempieratura pavietra ŭnačy składzie 7-14 hradusaŭ marozu, pry prajaśnieńniach — -15..-20. Dniom budzie -5..-12 hradusaŭ.
U sieradu, 22 śniežnia, budzie vobłačna z prajaśnieńniami. Pieravažna pa paŭdniovym zachadzie krainy projdzie śnieh. Na asobnych učastkach daroh čakajecca hałalodzica. Tempieratura pavietra nočču składzie 7-14 hradusaŭ marozu, pry prajaśnieńniach — -15..-20, dniom — -5..-12. U paŭdniova-zachodnich rajonach ciaham sutak budzie -3..-6.
