Maskva raźličvaje, što biełarusy nie paddaducca na «pravakacyjnyja zakliki» bajkatavać refierendum
Pra heta ŭ intervju TASS zajaviŭ namieśnik kiraŭnika MZS Rasii Andrej Rudenka.
Rudenka adznačyŭ, što Rasija vystupaje «suprać zachodniaha ŭmiašańnia va ŭnutranyja spravy Biełarusi i naviazvańnia joj niejkaha mižnarodnaha pasiarednictva».
Pradstaŭnik rasiejskaha MZS nazvaŭ biełaruskuju demakratyčnuju apazicyju «samazvancami».
— Pierakananyja, što tolki biełaruski narod i jaho lehitymnyja pradstaŭniki, a nie samazvanyja «lidary demakratyčnych sił» i ich zachodnija kuratary majuć prava vyznačać los svajoj krain, — skazaŭ jon.
Pra majučy adbycca refierendum Rudenka zajaviŭ:
— Spadziajomsia, što biełaruskija hramadzianie skarystajucca hetaj mahčymaściu dla demakratyčnaha volevyjaŭleńnia i nie paddaducca na pravakacyjnyja zakliki palitemihrantaŭ bajkatavać refierendum ci «psavać biuleteni». Rasija prymie luby vynik refierendumu, pryznajučy suvierennaje prava naroda Biełarusi samastojna, bieź cisku zvonku, vyznačać šlachi raźvićcia svajoj krainy. Raźličvajem, što hałoŭnym vynikam kanstytucyjnaj reformy stanie kančatkovaja stabilizacyja ŭnutrypalityčnaj situacyi ŭ sajuznaj nam respublicy, umacavańnie jaje dziaržaŭnaści i rost dabrabytu bratniaha nam naroda, — skazaŭ rasiejski čynoŭnik.
Nahadajem, refierendum pa abnaŭleńniach u biełaruskuju Kanstytucyju zapłanavany na luty.
