Aŭstralijski sud admianiŭ rašeńnie ab anulavańni vizy Novaka Džokaviča. Jon, mahčyma, zmoža ŭdzielničać u Australian Open
Sud Mielburna razhledzieŭ apielacyju tenisista na anulavańnie jaho vizy. Sudździa zadavoliŭ apielacyju sierba i pastanaviŭ vyzvalić jaho paśla zaviaršeńnia pasiadžeńnia.
Sudździa Entani Keli taksama rasparadziŭsia adpuścić Džokaviča na volu, viarnuć jamu pašpart i kampiensavać sudovyja vydatki.
Prakuratura maje namier abskardzić rašeńnie suda.
Džokavič prylacieŭ u Mielburn 6 studzienia dla ŭdziełu ŭ Australian Open, tenisnym turniry na jakim jon stanaviŭsia pieramožcam dzieviać razoŭ. Turnir startuje na nastupnym tydni.
Paśla prylotu ŭ Mielburn vyśvietliłasia, što ŭ tenisista niapravilna aformlenaja viza i niama siertyfikata ab vakcynacyi.
Sierba zatrymali i adviali ŭ asobny pakoj pad achovu palicyi. Džokavič nie zmoh rastłumačyć pryčynu, pa jakoj jamu dazvolili nie vakcynavacca, tamu było pryniataje rašeńnie anulavać vizu i departavać tenisista z krainy.
Raniej sierb byŭ viadomy, jak praciŭnik vakcynacyi, ale potym nie paviedamlałasia, vakcynavaŭsia jon ci nie. Praz paru dzion advakaty Džokaviča zajavili, što ŭ śniežni jon pierachvareŭ na kavid.