«Uziaŭ za nohi i vykinuŭ z mašyny»: u Maładziečnie taksist-nielehał trapiŭ na inśpiektarku z padatkovaj
U Maładziečnie supracoŭnica padatkovaj inśpiekcyi vyjaŭlała taksistaŭ-nielehałaŭ. Adzin z zakazaŭ žančyna aformiła praz mabilnuju prahramu — da jaje pryjechaŭ aŭtamabil Kia Rio, jaki ničym nie nahadvaŭ taksi.
Paśla pryjezdu ŭ punkt pryznačeńnia, kiroŭca ŭziaŭ apłatu najaŭnymi, a ček pasažyrcy nie vydaŭ, paviedamlaje «Maładziečanskaja hazieta».
Patłumačyŭšy metu pajezdki i pakazaŭšy paśviedčańnie, inśpiektarka paprasiła taksista prajści dla razhladu ŭ budynak dziaržorhana. Ale toj nie staŭ vychodzić z aŭtamabila i praciahnuŭ pajezdku.
Na nastupnym aŭtobusnym prypynku jon siłaj, schapiŭšy žančynu za nohi, vyciahnuŭ jaje z mašyny i źjechaŭ.
Pra zdareńnie inśpiektarka paviedamiła ŭ milicyju. Taksista chutka znajšli. Im akazaŭsia 45-hadovy miascovy žychar.
Raspačataja kryminalnaja sprava pa č. 1 art. 366 KK «Hvałt albo pahroza ŭ dačynieńni da słužbovaj asoby, jakaja vykonvaje słužbovyja abaviazki, ci inšaj asoby, jakaja vykonvaje hramadski abaviazak».
Taksistu pahražaje da siami hadoŭ źniavoleńnia.
