Na bujnym zavodzie ŭ Barysavie «źnik» dyrektar. Na pradpryjemstvie kažuć ab zatrymańni
Na Barysaŭskim zavodzie ahrehataŭ «źnik» dyrektar Piotr Kacuba. Na pradpriemstvie infarmacyju ab zatrymańni Kacuby paćvierdzili, paviedamiŭšy, što abaviazki dyrektara vykonvaje hałoŭny inžynier, paviedamlaje Zerkalo.io.
Piotr Kacuba. Fota: edinstvo.by
Pa pracoŭnym telefonie Piatra Kacuby siońnia nichto nie adkazvaŭ. U pryjomnaj raspaviali, što abaviazki dyrektara vykonvaje hałoŭny inžynier Dzianis Andrejeŭ.
— Kacuba ŭžo nie pracuje na zavodzie, — paviedamili na pradpryjemstvie. Na ŭdakładniajučaje pytańnie, ci nie zatrymany kiraŭnik, u pryjomnaj adkazali śćviardžalna: «Tak, heta nie žart». Pra toje što razam z Kacubam byli zatrymanyja jašče niekalki rabotnikaŭ pradpryjemstva, nie paćvierdzili.
U prafsajuzie zavoda ni abvierhli, ni paćvierdzili infarmacyju ab zatrymańni dyrektara, ale paviedamili, što jaho abaviazki vykonvaje hałoŭny inžynier.
Na sajcie zavoda dyrektaram dahetul ukazany Piotr Kacuba.
Barysaŭski zavod ahrehataŭ ŭvachodzić u chołdynh «Aŭtakampanienty», jakim kiruje AAT BATE. Rašeńnie ab stvareńni chołdynhu pryniali ŭ 2011 hodzie. Na toj momant akcyi Barysaŭskaha zavoda ahrehataŭ znachodzilisia va ŭłasnaści Minskaha matornaha zavoda (MMZ).
Zavod śpiecyjalizujecca na vypusku ŭ tym liku turbakampresaraŭ, pnieŭmakampresaraŭ, vadzianych i aliŭnych pompaŭ, filtraŭ.
