Va Ukrainie na aŭtazapraŭcy pradavali kubački z łahatypam Biełaruskaj čyhunki, uźnik skandał
Pryčyna skandału ŭ tym, što padčas vajny rekłamujucca pasłuhi pradpryjemstva z krainy-ahresara, dy i ŭvohule što z takoj krainy robiacca pastaŭki pradukcyi. Prybraŭšy partyju biełaruskich kubačkaŭ z prodažu, uładalnik zapravak, kampanija KLO, adkryła rasśledavańnie hetaha incydentu i patrabuje tłumačeńniaŭ ad pastaŭščyka, piša telehram-kanał «Supolnaść čyhunačnikaŭ Biełarusi».
«Situacyja, jakaja stała dla nas vielmi niepryjemnym siurpryzam. Kampanija KLO nie supracoŭničaje ź dziaržavami-ahresarami!
I choć nam vielmi cikava, adkul na Biełaruś rychtavaŭsia napad, my nie davali zhody na vykarystańnie kubačkaŭ Biełaruskaj čyhunki na našych AZK.
Usiu partyju ŭžo prybirajem z prodažu. Čakajem vynikaŭ aficyjnaha rasśledavańnia i zajavy ad pastaŭščyka. My prazrystyja ŭ adnosinach da ŭsich našych klijentaŭ i abaviazkova budziem trymać vas u kursie padziej. Słava Ukrainie!» — havorycca ŭ paviedamleńni KLO.
