Barel: Ad SWIFT buduć adklučanyja jašče niekalki rasijskich bankaŭ
Kiraŭnik jeŭrapiejskaj dypłamatyi Žazep Barel zajaviŭ, što Jeŭrasajuz rychtuje šosty pakiet sankcyj suprać Maskvy, jaki vyklučyć jašče bolš rasijskich bankaŭ ź sistemy abmienu paviedamleńniami SWIFT — sietki, jakaja dazvalaje ažyćciaŭlać miljony mižnarodnych tranzakcyj u dzień. Pra heta paviedamlaje Washington Post.
Žazep Barel
Barel nie ŭdakładniŭ, jakija mienavita rasijskija banki stanuć mišeńniu sankcyj, ale miarkujecca, što pad ich patrapić u tym liku i Śbierbank. U sakaviku Jeŭrapiejski sajuz užo adklučyŭ SWIFT niekalkim bujnym rasijskim bankam.
Žazep Barel taksama paŭtaryŭ abiacańni pamienšyć zaležnaść ES ad rasijskaha impartu enierhanośbitaŭ. Heta sapraŭdy vielmi važna, bo paśla ŭvarvańnia Kramla va Ukrainu 24 lutaha Jeŭrasajuz impartavaŭ rasijskaha vykapniovaha paliva na sumu kala 46 miljardaŭ dalaraŭ.
Jak paviedamlałasia raniej, Jeŭrapiejski Sajuz spadziavajecca zaćvierdzić šosty pakiet sankcyj suprać Rasii na nastupnym pasiadžeńni Rady ES pa zamiežnych spravach.