Śledstva pa spravie palitźniavolenaha žurnalista Dzianisa Ivašyna zavieršana
Pra heta paviedamlaje Volha Ivašyna, piša «Viasna». Mierkavana, chutka nad palitviaźniem moža adbycca sud. Žonka Dzianisa taksama piša, što da jaho narešcie pačali dachodzić listy.
Dzianis znachodzicca za kratami ŭžo 406 dzion.
Supracoŭniki KDB zatrymali jaho 12 sakavika 2021. Adrazu Dzianis prachodziŭ padazravanym pa art. 365 KK (umiašalnictva ŭ dziejnaść supracoŭnika orhanaŭ unutranych spraŭ). Paźniej jamu vystavili abvinavačvańnie jašče i pa č. 1 art. 356 KK (zdrada dziaržavie).
A niadaŭna KDB abvinavaciŭ Dzianisa ŭ supracoŭnictvie z ukrainskaj raźviedkaj.
Palitviazień znachodzicca ŭ hrodzienskaj turmie.
233 dni jon nie atrymlivaŭ listoŭ.
Kožny čałaviek moža dasłać jamu poštaj pasyłku abo banderolku z roznymi pryjemnymi drobiaziami i zrabić hrašovy pieravod. Taksama pamiatajcie, što ŭ kanviert ź listami možna ŭkłaści kanvierty, marki, kalarovyja listy, nalepki, kalandaryk, malunki, viktaryny i mnohaje inšaje.
Padtrymać palitviaźnia: Turma №1, 230023, h. Hrodna, vuł. Kirava, 1, Dzianisu Jaŭhienaviču Ivašynu