Znajści
Ałharytmičny łacinski varyjant
16.05.2022 / 17:03RusŁacBieł

«Nas zaŭtra moža nie być» — Łukašenka na samicie ADKB

U Maskvie 16 maja prajšła sustreča kiraŭnikoŭ dziaržaŭ Arhanizacyi damovy ab kalektyŭnaj biaśpiecy. U joj brali ŭdzieł Alaksandr Łukašenka, premjer-ministr Armienii Nikoł Pašynian, prezident Kazachstana Kasym-Žamart Takajeŭ, prezident Kyrhyzstana Sadyr Žaparaŭ, prezident Rasii Uładzimir Pucin i prezident Tadžykistana Emamali Rachmon.

 Fota: kremlin.ru

Sustreča była pryśviečanaja 30-hodździu padpisańnia Damovy ab kalektyŭnaj biaśpiecy i 20-hodździu stvareńnia ADKB.

Alaksandr Łukašenka ŭ svajoj pramovie adznačyŭ niedachop adzinstva ŭ ADKB. Jon pryvioŭ u prykład padziei ŭ Kazachstanie i chutkuju reakcyju ADKB, ale ciapier jon nie bačyć takoha.

«Na fonie žorstkaha, ašalełaha sankcyjnaha presinhu z boku kansalidavanaha Zachadu pastułaty adzinstva i salidarnaści spracoŭvajuć daloka nie zaŭsiody. Heta bačna, na žal, pa hałasavańni ŭ mižnarodnych arhanizacyjach. Z maŭklivaj zhody našych partnioraŭ Biełaruś i Rasija, nasupierak usim zakonam mižnarodnaha žyćcia, pa kapryzie Zachadu šalmujucca i vyklučajucca ź mižnarodnych arhanizacyj».

«Biez chutkaha zhurtavańnia našych krain, umacavańnia palityčnych, ekanamičnych, vajskovych suviaziej nas zaŭtra moža nie być», — skazaŭ Łukašenka.

Pavodle jaho, kali b krainy ADKB «vystupili adzinym frontam, nie było b hetych piakielnych, jak jany [na Zachadzie] kažuć, sankcyj». 

U toj ža čas Nikoł Pašynian narakaŭ, što ADKB nie dapamahła Armienii padčas jaje kanfliktu z Azierbajdžanam i, bolš za toje, niekatoryja krainy ADKB — tłusty namiok na Biełaruś — praciahvali pastaŭki zbroi Baku. 

Uładzimir Pucin havaryŭ pra toje, što Zachad admaŭlajecca bačyć «nacystaŭ» va Ukrainie, a amierykanskija bijałabaratoryi źbirali bijamateryjał i viali tam raspracoŭku bijałahičnaj zbroi.

Prakamientavaŭ jon i pašyreńnie NATA. Pavodle jaho, ustupleńnie Finlandyi i Šviecyi ŭ NATA nie stvaraje pahrozy dla Rasii, ale pašyreńnie vajennaj infrastruktury na hetych terytoryjach «vykliča reakcyju ŭ adkaz».

Kiraŭniki dziaržaŭ, što ŭvachodziać u ADKB, padpisali šerah šmatbakovych dakumientaŭ pa vynikach samitu. Siarod ich — zajava Rady kalektyŭnaj biaśpieki ADKB u suviazi z 30-hodździem samoj damovy i 20-hodździem abjadnańnia.

Jak raniej paviedamiŭ Pucin, płanujecca ŭ tym liku padpisać sumiesnuju zajavu, u jakoj budzie paćvierdžanaja rašučaść krain ADKB «i ŭ dalejšym pa-partniorsku ŭzajemadziejničać pa roznych napramkach vajennaha i abaronnaha budaŭnictva, naroščvać skaardynavanyja dziejańni na mižnarodnaj arenie».

Uvahu žurnalistaŭ pryciahnuła toje, što Alaksandr Łukašenka na ŭračystym vychadzie kulhaŭ, ale až źziaŭ. U toj ža čas Kasym-Žamart Takajeŭ i Emamali Rachmon byli jak chmary.

Ruchi noh i ruk Uładzimira Pucina znoŭ prymusili źviarnuć na siabie ŭvahu.

Pašynian raskrytykavaŭ ADKB za dziejańni padčas vajny Armienii z Azierbajdžanam

«Naša Niva» — bastyjon biełaruščyny

PADTRYMAĆ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031