Barel: Rasijskija straty — heta rekord
Kiraŭnik jeŭrapiejskaj dypłamatyi Žazep Barel paviedamiŭ, što, pavodle jahonych źviestak, Rasieja niasie va Ukrainie prosta vielizarnyja straty, paviedamlaje Bi-bi-si. «Ja b nie advažyŭsia vykazać zdahadku, jak doŭha Rasieja jašče zmoža ŭparcicca, — skazaŭ Barel žurnalistam u Brusieli. — Kali heta praŭda, što Rasija z pačatku vajny straciła 15% svaich vajskoŭcaŭ, to heta suśvietny rekord pa stratach dla armii, jakaja zrabiła ŭvarvańnie ŭ krainu».
Barel taksama zapeŭniŭ, što Jeŭraźviaz nie dazvolić Ukrainie zastacca biez ryštunku, nieabchodnaha joj dla abarony ad rasijskaj ahresii.
Rasijskaje kiraŭnictva nie paviedamlaje pra straty svajho asabovaha składu i techniki. Apošni raz Minabarony Rasii adrapartavała pra straty 25 sakavika, paviedamiŭšy pra hibiel 1351 vajskoŭca.
Pavodle źviestak ukrainskaha hienštaba, Rasija z momantu ŭvarvańnia straciła bolš za 26 tysiač čałaviek asabovaha składu.
U śpisach dakumientalna paćvierdžanych strataŭ rasijskich vajskoŭcaŭ — dva hienierały, 16 pałkoŭnikaŭ (uklučajučy adnaho kapitana pieršaha ranhu), 37 padpałkoŭnikaŭ, 67 majoraŭ i 321 aficer u zvańni ad małodšaha lejtenanta da kapitana.
