«Spała pa 3—4 hadziny». Školnica raspaviała, jak joj daŭsia apošni hod vučoby
Vypusknica adnoj sa słuckich škoł raspaviała, jakim dla jaje byŭ apošni navučalny hod. Čamu jana spała pa 3—4 hadziny na sutki, i na jaki vynik u vyniku spadziavajecca, paviedamlaje kurjer.info.
«Mnie kazali, što budzie ciažka, ale ja nie dumała, što nastolki, — raspaviała Vieranika (imia hieraini źmienienaje pa jaje prośbie). — Čatyrochhadzinny son, apatyja, isteryki i niedachop času — usio heta pieraśledvała mianie ŭvieś hod.
Mnohija dumajuć, što ŭ 11-m kłasie nastaŭniki łajalniej staviacca da vučoby i paśpiachovaści, ale heta zusim nie tak. Piedahohaŭ nie cikavić, što akramia ich pradmieta jość inšyja i jak minimum adzin repietytar. Adbyvajecca emacyjanalny cisk. Naprykład, z-za strachu nieatestacyi. Za propusk kantrolnaj raboty davodziłasia iści na zaniatki, navat kali adčuvała siabie chvoraj.
Byvała, što pierad samym vychadam u škołu ŭ mianie zdaralisia isteryki, ja prosta nie chacieła tudy iści.
Starałasia supakoić siabie dumkami, što nie ŭ adnoj mianie składany pieryjad, što treba brać siabie ŭ ruki i pamiatać, dziela čaho ty vučyšsia.
Napeŭna, samaj napružanaj stała treciaja čverć. Jana samaja vialikaja i nasyčanaja pa abjomie infarmacyi. Byvali dni, kali ja spała pa 3-4 hadziny, kab paśpieć zrabić usio chatniaje zadańnie.
Vydaliła sacsietki
Pa toj kolkaści času, što ja spała, mnie zdajecca, što niejak nie tak rasparadžałasia svaim časam. Choć sprabavała pieraraźmierkavać jaho.
Kab nie marnavać čas na niepatrebnyja rečy, jašče na pačatku hoda vydaliła ŭsie sacyjalnyja sietki, kab nie adciahvali ŭvahu. Pierš za ŭsio TikTok. Dumaju, usim viadoma, kolki času jon zabiraje. Spačatku ciahnuła zazirnuć tudy, ale potym pryvykła. Ni kropli nie paškadavała, što tak zrabiła.
Hety hod byŭ zaniaty dumkami tolki pra vučobu. Ja adkładała ŭsie prahułki ź siabrami na vychadnych, bo chacieła vyspacca. Mnie vielmi nie chapała prostych bieskłapotnych znosin ź siabrami. Uspaminała časta sumiesnyja pajezdki, kali my šmat razmaŭlali i žartavali.
Ad vialikaj kolkaści infarmacyi baleła hałava
Kožny dzień ja ŭstavała ŭ 6 ranicy, kab sabracca ŭ škołu i paŭtaryć vusnyja pradmiety. Navučalny dzień doŭžycca zvyčajna da 3 hadzin dnia. Paśla škoły starałasia hadzinu vydzielić na adpačynak, a potym išła da repietytara.
Dadomu viartałasia prykładna ŭ siem hadzin viečara. Da hetaha času ad vialikaj kolkaści infarmacyi ŭžo baleła hałava, ale ŭsio roŭna na zaŭtra treba było rabić chatniaje zadańnie. Bolš za ŭsio času sychodziła na anhlijskuju movu. Kab narmalna vyvučyć bilet, mnie patrabujecca minimum čatyry hadziny. Akramia anhlijskaj, jość jašče inšyja pradmiety, pa jakich hetak ža patrabujuć viedaŭ.
Usie dni tydnia prachodziać prykładna hetak ža, bo ŭ mianie jašče adzin repietytar i kursy. Ja razumieju, što mnie patrebny dobry atestat, tamu prykładvaju stolki sił. Pavodle tych acenak, jakija ja baču ciapier, mahu spadziavacca, što spraviłasia z zadačaj.
Z asabistaha dośviedu
Što ja zrazumieła za hety hod i mahu paraić inšym z asabistaha vopytu.
Samaje hałoŭnaje — vyznačycca z tym, kim chočaš być, tady jasna, jakim pradmietam nadać uvahu, što pryjdziecca zdavać. Kali heta zrabić na pačatku hoda, budzie bolš času na padrychtoŭku. Abaviazkova rasstavić pravilna pryjarytety. Ja ŭpeŭnienaja, što kožny sutykniecca z hetym.
Pa mahčymaści schadzić na ŭsie etapy repietycyjnaha testavańnia. Tam možna navučycca zapaŭniać błanki adkazaŭ i aznajomicca z tematykaj testavych zadańniaŭ.
Abaviazkova bierahčy svajo zdaroŭje.
Ja vielmi spadziavajusia, što maje starańni i namahańni byli niedaremnymi».
