Rynat Achmietaŭ padaść na Rasiju sudovy pazoŭ na 17—20 miljardaŭ dalaraŭ
Kampiensacyju samy bahaty čałaviek Ukrainy zapatrabuje za źniščeńnie dy paškodžańnie maryupalskaj «Azoŭstali» i inšych pradpryjemstvaŭ, jakija jamu naležali, pieradusim na Danbasie.
Rynat Achmietaŭ
«Paśla pačatku šyrokamaštabnaha nastupleńnia Rasii 24 lutaha 2022 hoda «Azoŭstal», MMK imia Iljiča, Aŭdziejeŭski koksachim, Łuhanskaja TES i jašče dziasiatki abjektaŭ pramysłovaj infrastruktury i zialonaj enierhietyki častkova abo całkam źniščanyja, abo vymušana vyviedzienyja z ekspłuatacyi. Kapitalizacyja hetych abjektaŭ da pačatku vajny składała dziasiatki miljardaŭ dalaraŭ. Adnaznačna my pradjavim pazovy da RF i budziem patrabavać naležnuju kampiensacyju ŭsich strat i stračanaha biznesu», — skazaŭ Achmietaŭ.
«Užo viadziecca jurydyčnaja praca pa hetych pytańniach. My budziem pradjaŭlać pazovy va ŭsich mižnarodnych i nacyjanalnych instancyjach», — padsumavaŭ jon.
