Biełarusy-«kalinoŭcy» ŭziali ŭ pałon troch rasijan
Heta zdaryłasia padčas nastupalnaj apieracyi Uzbrojenych siłaŭ Ukrainy. U časie jaje jašče adzin biełaruski bajec-«kalinoviec» byŭ paranieny. Jak paviedamlaje «Jeŭraradyjo», jon atrymaŭ ranieńnie ŭ žyvot. Ciapier bajec u lakarni, lekary kažuć, što žyć budzie.
Rasijskija sałdaty, zachoplenyja ŭ pałon kalinoŭcami
Kalinoŭcy raspaviadajuć, što zmusili rasijan adstupić i pakinuć adnu sa svaich pazicyj.
Biełaruskija bajcy zachapili ŭ pałon traich rasijskich vajskoŭcaŭ. Bolš padrabiaznaściaŭ pra hety boj i pałonienych čakajem nieŭzabavie.
Voś pieršaje videa:
Usiaho z 24 lutaha zahinuła šeść bajcoŭ-biełarusaŭ, jakija abaraniajuć niezaležnaść Ukrainy. Troje ź ich vajavali ŭ składzie Bataljona Kalinoŭskaha, jaki ŭ druhoj pałovie maja byŭ pieratvorany ŭ połk. Jašče niekalki bajcoŭ byli paranienyja, u tym liku Dzianis Urbanovič pieražyŭ mocnuju kantuziju.
Čytajcie taksama: Farmirujucca dźvie biełaruskija ŭzbrojenyja hrupy, jakija bačać svajoj metaj vyzvaleńnie krainy
