Brytanskaja raźviedka: Rasija pastupova prasoŭvajecca ŭ Sievieradaniecku, ale jaje čakajuć prablemy
Raźviedka Vialikabrytanii apublikavała karotkuju zvodku z acenkaj ciapierašniaj situacyi z bajavymi dziejańniami na Danbasie.
Pavodle brytanskaj zvodki:
— Rasija vykarystoŭvaje svaju pieravahu ŭ suadnosinach siłaŭ i artyleryi, kab pastupova zachapić terytoryju Sievieradaniecka i vakoł jaho.
— Rasija pa-raniejšamu imkniecca farmavać dadatkovyja bajavyja padraździaleńni dla razhortvańnia va Ukrainie. U apošnija tydni, vierahodna, pačałasia padrychtoŭka da razhortvańnia treciaha bataljona. Zvyčajna ŭ apieracyjach zadziejničajuć nie bolš za dva z troch bataljonaŭ adnačasova. Trecija bataljony ŭ składzie bryhad časta ŭkamplektavanyja nie całkam — Rasii, chutčej za ŭsio, daviadziecca spadziavacca na pryzyŭnikoŭ abo mabilizavanych reziervistaŭ dla pierakidańnia hetych padraździaleńniaŭ va Ukrainu.
— Adnačasovaje razhortvańnie ŭsich troch bataljonaŭ, vierahodna, pamienšyć doŭhaterminovuju zdolnaść hetych farmavańniaŭ adnaŭlacca paśla bajoŭ.
