U kamiercyjnaha dyrektara «Krumkačoŭ» prosta na matčy zdaryŭsia insult. Źbirajuć srodki dla reabilitacyi
Srodki, atrymanyja ad prodažu kvitkoŭ na kubkavy matč z «Isłačču», jaki adbudziecca 22 červienia, pojduć Juryju Turejku, u jakoha padčas hulni 1 maja zdaryŭsia insult.
1 maja Juryj Turejka kamientavaŭ hulniu «Krumkačy» — «Enierhietyk-BDATU», i prosta padčas matča ŭ jaho zdaryŭsia insult. Sa stadyjona jaho zabrała chutkaja. Situacyja była vielmi ciažkaja: byŭ jašče adzin insult u balnicy, potym infarkt, dva tydni komy i bolš za miesiac u reanimacyi. Nijakich prahnozaŭ pa dalejšym stanie jaho zdaroŭja niama.
Adnak Juryj vyžyŭ. Jon u prytomnaści, ale ciapier patrebny ciažki čas reabilitacyi.
Tamu kamanda pryniała rašeńnie dapamahčy siamji Juryja i zrabić matč 1/16 Kubka Biełarusi z «Isłačču» 22 červienia dabračynnym. Usie srodki, vyručanyja ad prodažu biletaŭ, pieradaduć na reabilitacyju.
Budzie mahčymaść kupić zvyčajny bilet za 4 rubli (5 rubloŭ na stadyjonie) abo bilet pa śpiecyjalnaj canie za 20 rubloŭ, jak u kasie, tak i anłajn. Jany biez ukazańnia miescaŭ i ŭłasna prodaž ich nie limitavany kolkasna.
Kvitki na matč pa spasyłcy: