MZS Rasii nahadaŭ ab pravie Safii Sapiehi prasić pra pamiłavańnie
Rasijanka Safija Sapieha, jakuju asudzili da šaści hadoŭ pazbaŭleńnia voli, moža padać Alaksandru Łukašenku prašeńnie ab pamiłavańni, paviedamili ŭ MZS Rasii.
«Zhodna ź dziejučym biełaruskim zakanadaŭstvam, Safija Sapieha maje prava padać chadajnictva pra pamiłavańnie i vyzvaleńnie ad kryminalnaj adkaznaści jak asoba, što «spryjaje raskryćciu złačynstvaŭ i likvidacyi nastupstvaŭ ich ździajśnieńnia». Razhlad takich zvarotaŭ uvachodzić u kampietencyju prezidenta Biełarusi», — havorycca ŭ paviedamleńni.
U rasijskim MZS adznačyli, što pry pryniaćci takoha rašeńnia ŭłady ŭličvajuć stupień hramadskaj niebiaśpieki zroblenaha, najaŭnaść raskajańnia i pryznańnie viny z boku asudžanaha, supracoŭnictva sa śledstvam, i pahašeńnie ŭsich nakładzienych štrafaŭ.
Sapiehu zatrymali 23 maja 2021 hoda razam z byłym hałoŭnym redaktaram telehram-kanała «Niechta» Ramanam Pratasievičam u vyniku pasadki ŭ Minsku samalota Ryanair Afiny — Vilnia.
Pieršapačatkova abvinavačvańnie było vystaŭlenaje pa siami artykułach KK Biełarusi, u tym liku ab raspalvańni varožaści, arhanizacyi pahroz siłavikam i sudździam, pieraškodzie pracy žurnalista, niezakonnym zbory asabistych danych. Ale Sapiehu pryznali vinavataj pavodle dvuch artykułaŭ: ab raspalvańni varožaści i niezakonnym zbory danych ab pryvatnym žyćci.
