Raspaviadajem, jak zrabić pracoŭny dzień lepšym. Pasprabujcie, kali vy pracujecie z ofisa abo doma!
Siońnia bolšaść kampanij viartajecca da ofisnaj pracy ci da jaje hibrydnaj formy. Ale jak pačuvacca lepiej padčas pracoŭnaha dnia i znachodzić čas dla siabie? Sabrali niekalki dobrych idej.
Fota: Silvia G. Ponzoda / wikimedia.org
Power hour — pačnicie svoj dzień z radaści
Mnohija ludzi vykarystoŭvali addalenuju pracu, kab daŭžej spać. Zamiest taho, kab ustavać na dośvitku, my lažali da apošniaj chviliny, a za chvilinu da pačatku pracy ŭklučali kampjutar. Viadoma, son važny, ale takoje raptoŭnaje ŭskokvańnie z łožka prama na pracu pavyšaje ŭzrovień stresu i źnižaje ranišniuju efiektyŭnaść.
Ciapier u vas jość idealny čas, kab złamać hetuju zvyčku. Sonca ŭstaje vielmi rana, ptuški radasna ščabiečuć, i pračynacca rana značna lahčej, čym u vosieńskija abo zimovyja miesiacy. Vy možacie vykarystoŭvać heta ŭ svaich intaresach i ŭvasobić ideju power hour ŭ žyćcio.
Jak heta zrabić? Prosta pastaŭcie budzilnik na hadzinu raniej. Hety čas vydatkujcie na toje, što dadaść vam enierhii, kab spravicca sa svaimi słužbovymi abaviazkami.
Prabiehčysia pa parku, kali na travie ŭsio jašče lažyć rasa? Ci, moža być, chałodny duš, jaki palapšaje stan skury i badzioryć lepiej za kavu? «Hadzina siły» vydatna pasuje dla sieansu johi na soncy ŭ skvieryku abo miedytacyi na miakkaj padušcy doma. Kali paśla takoha enierhičnaha ranku vy ŭklučycie kampjutar, u vas užo budzie proćma sił dla dobraha pracoŭnaha dnia.
Ustańcie z-za stała
Vy musicie ŭśviadomić i skazać sabie: padčas pracy ja budu ŭstavać z-za stała. Abaviazkova. Jašče dva hady tamu heta było dla nas całkam naturalna — treba było iści da načalnika za podpisam, padychodzić da pryntara za dakumientami abo da ofisnaj kuchni, kab zvaryć sabie kavu.
U chatnim ofisie mnohich z nas paralizavaŭ strach. Raptam, kali my budziem zavarvać čaj, chto-niebudź napiša? I budzie padobna na toje, što my adpačyvajem, a nie pracujem? Viadoma, takaja prablema nie va ŭsich, ale kali ŭ vas byli takija dumki, to vy sapraŭdy nie samotny ŭ hetym. A vynik taki, što na praciahu vaśmi hadzin vy vietliva siadzicie pierad ekranam, zabyvajučy pra svaje asnoŭnyja patreby. I pra pazvanočnik, i pra vočy, jakim škodziać takija marafony.
Siońnia my viartajemsia da normy, i čas razabracca z hetaj škodnaj zvyčkaj. Jak pracaŭnik vy majecie poŭnaje prava na pierapynki.
Vy možacie ŭstalavać na svoj telefon prahramu, jakaja nahadaje vam pić vadu kožnuju hadzinu. Kožny raz, kali telefon pačynaje vibravać, padymajciesia ź miesca, papaŭniajcie zapas vadkaści i trochi ruchajciesia. Heta moža być pachod pa kvatery (kali vy ŭsio jašče pracujecie z domu), vychad na hanak pierad ofisnym budynkam, prahułka pa leśvicy ŭnutry budynka abo niekalki praktykavańniaŭ na raściažku.
I kali vy chočacie mieć kankretnuju pryčynu dla adpačynku, schadzicie pajeści. Ježa ŭ horadzie stanie vašaj novaj zdarovaj zvyčkaj. Pamiatajcie, što vy heta zasłužyli!
Fota: Kgbo / wikimedia.org
Nie zabyvajciesia pra abied
Heta klučavy elemient prafiesijnaha dabrabytu, ale mnohija im hrebujuć. Daśledavańnie na temu pavodzinaŭ pakazała, što žančyny adčuvajuć zhryzoty sumleńnia (!), kali chočuć vyjści na abied. Cełych 45 adsotkaŭ ličyli, što nie majuć na heta prava. Daśledavańnie ad toj ža kampanii pakazała, što ludzi vielmi časta drenna charčujucca mienavita praz heta.
Heta pavinna turbavać nie tolki vas, ale i vašaha pracadaŭcu. Zdarovy rabotnik — efiektyŭny rabotnik, i pra dabrabyt nie moža być i havorki, kali kožny dzień na praciahu vaśmi hadzin vy žyviacie na dvuch buterbrodach, pryniesienych z domu. Na Zachadzie abied źjaŭlajecca važnaj častkaj pracoŭnaha dnia, i nichto nie ličyć taki pierapynak čymści zahannym.
Vy majecie poŭnaje prava vyjści z ofisa ŭ abiedzienny čas i atrymać asałodu ad zvyčajnaj ježy ŭ stałovaj abo bližejšym kafe.
Bałans pamiž pracaj i inšym žyćciom
Z-za taho, što ŭ apošnija dva hady ofis u nas časta byŭ va ŭłasnaj haścinaj, my mocna parušyli padzieł na pracu i dom. Ciažka było «vyjści» svoječasova abo prosta začynić viečka noŭtbuka, pakul my čakali niejkaha važnaha lista.
Važnaja reč, jakuju vy možacie zrabić ciaham pracoŭnaha dnia: vyjdzicie z domu abo afisa z hadzińnikam u rukach, adklučyŭšy paviedamleńni na vašym telefonie. I nie praviarajcie poštu ŭ niepracoŭny čas! Vy budziecie bolš efiektyŭnymi, kali adpačniacie ad pracy, zasiarodziŭšysia na sabie ci svajoj siamji.
Źmianieńnie padychodu da pracy choć i patrabuje nievialikich krokaŭ, spačatku moža być niaprostym. Nie zdavajciesia, bo vy zmahajeciesia za svoj dabrabyt. I nie robicie ničoha drennaha.
Pačnicie siońnia. Chutka vy ŭbačycie, što jano było taho vartaje. Vaš pracadaŭca pavinien pajści vam nasustrač. I niachaj pierapynki stanuć dla vas mahčymaściu atrymać enierhiju na astatniuju častku dnia.
