Sikorski: «Dobra, što sud u Haazie pačaŭ źbirać dokazy». I pra Zacharavu: «Dobra, što jana praćvierazieła»
Rasijskaja prapahanda niekalki dzion absmoktvała toje, što polski palityk skazaŭ pra jadzierny status Ukrainy: Zachad maje prava jaho adnavić, kali Rasija nie vykonvaje mižnarodnyja abaviazalnictvy. U adkaz na vypady rasijskaj prapahandy Sikorski taksama vyrašyŭ nie maŭčać i prajšoŭsia pa asnoŭnych jaje śpikierach, piša onet.pl.
Radasłaŭ Sikorski. Fota: Associated Press
Miadźviedzieŭ sumniavajecca, što «praz dva hady Ukraina naohuł budzie isnavać na karcie śvietu».
— Karysna, što viadučyja rasijskija palityki adkryta kažuć nam, jakija ŭ ich namiery adnosna Ukrainy i susiedziaŭ, — skazaŭ Radasłaŭ Sikorski.
Pra pres-sakratarku rasijskaha MZS Maryju Zacharavu jon kaža: «Dobra, što jana praćvierazieła i što sočyć za majoj dziejnaściu». A Rasiju nazyvaje krainaj, jakaja «zvarjacieła ŭ nacyjanalistyčna-impierskim šalenstvie».
«Maskva nachabna i žorstka parušyła svaje abaviazalnictvy»
— Rasija parušyła Budapiešcki miemarandum, i tamu Zachad moža davać Ukrainie mahčymaść abaranić svaju niezaležnaść, — zajaviŭ Radasłaŭ Sikorski niadaŭna. Zapis z vytrymkami z vykazvańniaŭ polskaha palityka apublikavaŭ u niadzielu partał NEXTA.
Hetuju zajavu varoža sustreŭ Kreml. «Jeŭradeputat z Polščy, były ministr zamiežnych spraŭ hetaj krainy, muž anhła-amierykanskaj, rusafobskaj prapahandystki En Epłbaŭm, Radasłaŭ Sikorski zajaviŭ, što Rasija parušyła budapiešckija miemarandumy, i tamu Zachad maje prava dać Ukrainie jadziernyja bojehałoŭki dla abarony jaje niezaležnaści», — napisała ŭ Twitter pres-sakratarka MZS Rasii Maryja Zacharava.
— Dobra, što pres-sakratar rasijskaha MZS praćvierazieła, što sočyć za majoj dziejnaściu. Ja byŭ joj udziačny, kali jana pachvaliła knihu «Polšča moža być lepšaj» słovami «jon pačaŭ być sumlennym, tolki kali pierastaŭ być ministram». Nahadaju, što ja skazaŭ, što Zachad maje prava adnavić situacyju da Budapiešckaha miemaranduma 1994 hoda, a nie toje, što my pavinny heta zrabić, — kaža Sikorski ŭ hutarcy z Onet.
Deputat tłumačyć, što ŭ Budapiešckim miemarandumie «Ukraina pahadziłasia addać treci pa vieličyni atamny arsienał u śviecie ŭ abmien na harantyi niezaležnaści i biaśpieki miežaŭ z boku Rasii».
— Maskva hetyja harantyi nachabna i žorstka parušyła. Mnie zdajecca całkam łahičnym, što Ukrainie bolš nie treba adčuvać siabie skavanaj hetym miemarandumam i što jadzierny status Ukrainy možna budzie adnavić. Naprykład, kali Rasija vykanaje pahrozy prymianieńnia hetaj strašnaj zbroi, jakija my čujem.
Słovy Sikorskaha taksama prakamientavaŭ staršynia Dziarždumy RF Viačasłaŭ Vałodzin:
«Kali jaho prapanovy buduć realizavanyja, hetyja krainy pierastanuć isnavać hetak ža, jak Jeŭropa», — zajaviŭ jon.
— Ja taksama rady, što ŭ rasijskim MZS i Dziaržaŭnaj Dumie čytajuć knihi i artykuły En Epłbaŭm. Jany, vierahodna, čytali «HUŁAH» pra savieckija kancłahiery, za što Epłbaŭm atrymała Pulitceraŭskuju premiju. Ja spadziajusia, što jany pračytali i «Čyrvony hoład» pra zabojstva Stalinym piaci miljonaŭ ukrainskich sialan, i ja spadziajusia, što jany taksama pračytali «Za žaleznaj zasłonaj» pra savietyzacyju Centralnaj Jeŭropy, — pieraličvaje Sikorski.
— Ja razumieju, što ruskija nie adčuvajuć honaru za toje, što zrabili ź miljonami ludziej, i sprabujuć chłusić. Nahadvaju, što fobija ŭ pierakładzie z hrečaskaha aznačaje strach, časam iracyjanalny. Paśla tych miljonaŭ trupaŭ pa zahadzie Kramla ludzi majuć prava adčuvać strach, i ja nie dumaju, što hety strach iracyjanalny. Žadaju spadaryni Zacharavaj i spadaru Vałodzinu jašče raz pračytać, naprykład, «Čyrvony hoład», jaki ŭ epochu zavajavańnia Ukrainy, błakady ŭkrainskich partoŭ Čarnamorskim fłotam i naŭmysnaha źniščeńnia ŭkrainskich zbožžavych terminałaŭ ruskimi, maje asablivaje značeńnie. Spadziajusia, Pucin nie choča rabić toje, što Stalin zrabiŭ va Ukrainie.
Sikorski z Makiejem padčas sustrečy ŭ Varšavie, 2014 hod. Fota: Associated Press
«Pucin pavinien paŭstać pierad trybunałam»
Razmovy nakont situacyi vakoł Ukrainy jašče bolš raspalvajuć słovy Dźmitryja Miadźviedzieva, byłoha prezidenta Rasii, ciapier namieśnika staršyni Rady biaśpieki RF. Jak paviedamlaje pres-słužba Foreign Policy, Ukraina prapanavała Złučanym Štatam kantrakt na pastaŭki zvadkavanaha hazu, za jaki Kijeŭ zapłacić praz dva hady, paśla pavieličeńnia ŭnutranaj zdabyčy. Pavodle časopisa, prapanova była dobra acenienaja Biełym domam.
Miž tym, dakłady amierykanskaj pieryjodyki Miadźviedzieŭ prakamientavaŭ tak: «U mianie adno pytańnie. Chto skazaŭ, što praz dva hady Ukraina naohuł budzie isnavać na karcie śvietu?».
— Dźmitryj Miadźviedzieŭ staŭ prezidentam Rasii, bo byŭ advakatam pucinskaj mafii. Jon sprabavaŭ stać libierałam, ale siońnia paćvierdziŭ toje, što Juzaf Piłsudski kazaŭ užo sto hadoŭ tamu: u Rasii navat anarchisty — impieryjalisty, — kaža Sikorski.
— Ja liču karysnym, što viadučyja rasijskija palityki adkryta kažuć nam, jakija ŭ ich namiery adnosna Ukrainy i susiedziaŭ. Ja dumaju, što heta pavinna zaachvočvać nas prykłaści jašče bolšyja namahańni, kab abaranić Ukrainu i raźvivać śfieru abarony ŭ cełym. Vidavočna, u nas jość susied, jaki zvarjacieŭ u nacyjanalistyčna-impierskim šalenstvie.
Sikorski spasyłajecca ŭ razmovie z Onet taksama na apublikavanuju Hienieralnaj prakuraturaj Ukrainy infarmacyju ab prysutnaści prakurora Mižnarodnaha kryminalnaha suda va Ukrainie. «My razam pabyvali ŭ Charkavie. Ź pieršych dzion poŭnamaštabnaha ŭvarvańnia horad znachodzicca pad pastajannym abstrełam. U Charkavie i vobłaści zahinuli 760 mirnych žycharoŭ i bolš za 1000 atrymali ranieńni», — havorycca ŭ paviedamleńni.
— Rasijskaje kiraŭnictva pavinna paŭstać pierad Mižnarodnym kryminalnym sudom u Haazie, jak paŭstali bałkanskija lidary Słabadan Miłošavič i Radavan Karadžyč, jakija ŭ 90-ja raspačali hienacyd i ličyli siabie biespakaranymi. Adnak ich vydali mižnarodnamu sudu. Takim čynam, heta nie niejmavierny scenaryj i dla Pucina i jaho naroda. Vielmi dobra, što Mižnarodny kryminalny sud źbiraje dokazy złačynstvaŭ, — ličyć Sikorski.
Radasłaŭ Sikorski z prezidentam Hiermanii Frankam Štajnmajeram. Fota: Associated Press
«Niemcy byli samymi skieptyčnymi»
Emanuel Makron pajechaŭ u Rumyniju i Małdovu, kab pahavaryć pra Ukrainu. Pavodle źviestak časopisa «Le Figaro», francuzski lidar choča paćvierdzić svaju padtrymku Ukrainy ŭ vajnie suprać Rasii i adnavić Polšy i krain Bałtyi.
Słovy Makrona pra nieabchodnaść pieramovaŭ z Kramlom nie zastalisia pa-za ŭvahaj. «U niejki momant, paśla taho, jak my zdolejem vystajać, nam daviadziecca vieści pieramovy z Rasijaj. Ukrainskamu prezidentu daviadziecca vieści pieramovy. I my, jeŭrapiejcy, budziem za hetym stałom», — skazaŭ Makron.
— Žadajučych być pasiarednikami chapaje. Jość turki, vialikuju rolu mahli b adyhrać kitajcy, jość ABSIE i AAN. Ciapier Rasija płanuje źniščeńnie Ukrainy jak dziaržavy i asobnaj kultury. Ja caniu, što niechta choča padtrymlivać kanały suviazi z Rasijaj, ale ja nie ŭpeŭnieny, što heta treba rabić na ŭzroŭni kiraŭnikoŭ dziaržavaŭ. Mnie zdajecca, što najlepšy sposab damahčysia miru — heta ŭzbroić i finansavać Ukrainu. Mir nastupić tolki tady, kali ruskija pryznajuć, što adnaŭleńnie impieryi nie vartaje toj cany, jakuju jany pavinny za heta płacić, — miarkuje Sikorski.
A vajenny historyk Sienkie Nejcel pradkazvaje, što Ukrainie daviadziecca mirycca sa strataj terytoryj u Danbasie. Ekśpiert taksama sumniajecca, što NATA zdoleje adbić napad na Litvu, Łatviju ci Estoniju.
— Uschodni fłanh NATA jašče drenna abaronieny. Bajavyja hrupy, jakija ciapier tam razhornutyja, nie zdolnyja nikoha spynić. Heta zrazumieła. Heta byŭ pijar, nie bolš za toje, — śćviardžaje Nejcel.
— Cikavy pohlad z boku niamieckaha ekśpierta. Kali Polšča na praciahu mnohich hadoŭ patrabavała z dapamohaj usich uradaŭ, jakija źmianiali adzin druhi, uzmacnieńnia ŭschodniaha fłanhu NATA, mienavita Hiermanija była najbolš skieptyčna nastrojenaja. Ale ciapier jany zhodnyja z nami nakont «Paŭnočnaha patoku — 2», uschodniaha fłanhu, i nakont pastajannaj prysutnaści amierykanskich vojskaŭ na našaj terytoryi, jakaja raniej im pieraškadžała. Hiermanija raźvivajecca ŭ pravilnym kirunku, ale krychu pavolna, — reziumuje jeŭradeputat.
