Va Ukrainie zaviaršyłasia pasiaŭnaja kampanija, zasiejali 95% prahnazavanych płoščaŭ
Ukrainskija ahraryi zaviaršyli pasiaŭnuju kampaniju. Im udałosia zasiejać 95% prahnazavanych płoščaŭ. Pra heta paviedamiła Ministerstva ahrarnaj palityki i charčavańnia Ukrainy, piša hromadske.ua.
Prahnazvaanyja pasievy asnoŭnych jaravych kultur na kantralavanaj Ukrainaj terytoryi składali 14,1 miljona hiektaraŭ. Heta na 2,7 miljona mienš za pakazčyk 2021 hoda. U rešcie rešt u hetym hodzie ŭdałosia zasiejać 13,4 miljona hiektaraŭ (95%).
Płošča pasievaŭ jaravoj pšanicy i soi zastałasia na ŭzroŭni papiaredniaha hoda. A voś płošča pasievaŭ słaniečnika nieistotna skaraciłasia.
Taksama adbyłosia skaračeńnie pasievaŭ kukuruzy: sioleta 4,6 miljona hiektaraŭ suprać 5,5 miljona — letaś.
U mai ministr ahrarnaj palityki i charčavańnia Ukrainy Mikoła Solski kazaŭ, što pasiaŭnaja kampanija va Ukrainie adbyvajecca davoli aktyŭna, ale na 20-30% pavolniej, čym zvyčajna. Składanaści byli źviazanyja z łahistykaj i niedachopam paliva.
