Rasijski deputat pahražaje rašyć prablemu kalininhradskaha tranzitu praź Litvu «lubymi abranymi nami sposabami»
Kali Jeŭrasajuz nie vypravić situacyju z transpartnaj błakadaj Kalininhrada, jon sam ža dezavujuje dla RF dakumienty ab členstvie Litvy ŭ ES, u hetym vypadku ŭ Maskvy buduć «raźviazanyja ruki» dla vyrašeńnia prablemy lubymi abranymi nami sposabami.
Pra heta zajaviŭ kiraŭnik kamisii Savieta Fiederacyi pa abaronie dziaržaŭnaha suvierenitetu Rasii Andrej Klimaŭ.
«Jeŭrasajuz, kali jon nieadkładna nie vypravić nachabnuju vychadku Vilni, sam ža dezavujuje dla nas lehitymnaść usich dakumientaŭ ab členstvie Litvy ŭ ES i raźviaža ruki dla raźviazańnia stvoranaj Litvoj prablemy kalininhradskaha tranzitu lubymi abranymi nami sposabami», — napisaŭ palityk u svaim Telegram-kanale.
Jon adznačyŭ, što da 20-hodździa «sumiesnaj zajavy ab tranzicie pamiž Kalininhradskaj vobłaściu i astatniaj terytoryjaj RF» pamiž Rasijaj i Jeŭrasajuzam Litva vyrašyła ŭ adnabakovym paradku spynić amal pałovu hruzaŭ, jakija iduć pa čyhuncy praź jaje ŭ kalininhradskim kirunku.
«Tym samym Vilnia «vybiła kresła», na jakim sam siadzieła ŭsie hetyja hady ŭ jakaści krainy — siabra ES», — napisaŭ sienatar.
Nahadajem, što ŭ piatnicu stała viadoma, što Litva zakryvaje tranzit tych rasijskich tavaraŭ, jakija padpali pad sankcyi Jeŭrasajuza, u Kalininhradskuju vobłaść.
