Mikałaja Statkieviča etapujuć z homielskaha SIZA
Pra pieravod Mikałaja Statkieviča ŭ kałoniju paviedamiła jahonaja žonka Maryna Adamovič. Kudy dakładna źniavolenaha palityka pieravodziać, pakul nieviadoma.
Maryna Adamovič napisała:
«Pačaŭsia novy, va ŭsich sensach, etap našaha žyćcia. Mikoła Statkievič učora etapavany ź SIZA u Homieli. Kudy? Nieviadoma. Kali «pa zakonu», to ŭ Hłybokaje. Tolki tam jość asablivy režym, to-bok «kamiernaje ŭtrymańnie» — takaja sabie turma ŭ kałonii. Zastajecca tolki čakać i malicca, kab etap nie byŭ zanadta ciažkim. Chacia heta ciažka zaŭždy. Nu i pamiatajem, što kožny dzień nabližaje našych kachanych da Voli».
Niadaŭna Viarchoŭny sud prahnazavana pastanaviŭ pakinuć prysudy fihurantam «spravy Cichanoŭskaha» bieź źmienaŭ.
Taksama z homielskaha SIZA ŭžo etapavali Ihara Łosika. Palitviaźni Siarhiej Cichanoŭski, Uładzimir Cyhanovič i Arciom Sakaŭ jašče zastajucca ŭ śledčym izalatary.
