Pavieł Libier abviaściŭ pra stvareńnie płatformy dla padtrymki dziaciej z Ukrainy. Na joj možna kupić dziciačy malunak
Pavieł Libier, stvaralnik płatformy «Hołas», napisaŭ u sacsietkach, što siońnia źjaviŭsia «vielmi dobry prajekt dla padtrymki dziaciej z Ukrainy», da raspracoŭki jakoha jon taksama spryčyniŭsia.
Leleka.me — heta płatforma prodažu dziciačych malunkaŭ, stvoranych dziećmi z Ukrainy.
Usie hrošy, za vylikam płaty za pasłuhi płaciežnych sistem i PDV, iduć siemjam, płatforma nie zabiraje kamisij, heta dabračynnaja historyja, raspavioŭ Libier.
«Pradukt stvorany, kab padtrymać dziaciej, jakija chočuć ciapier dapamahać svaim baćkam, znajomym, USU i mnohim inšym, tamu što być va ŭsim hetym piekle patrebnymi i karysnymi važna nie tolki darosłym, ale i dzieciam», — napisaŭ Libier.
Prajekt padtrymlivajecca mižnarodnaj hrupaj vałancioraŭ. Kožny dasłany malunak pieratvarajecca dyzajnierami ŭ jakasnuju ličbavuju kopiju, «kab jašče bolš radavać taho, chto vyrašyŭ padtrymać jaho maleńkaha aŭtara».
«Kupicie luby malunak, i chaj chtości maleńki, ale značny, adčuje svaju važnaść i svajo maleńkaje ščaście!» — zaklikaŭ Libier.
Startavaja cana malunka — siem funtaŭ.
