Kiraŭnik ukrainskaj raźviedki: My pieramožam da kanca hoda
Pra heta načalnik Hałoŭnaha ŭpraŭleńnia raźviedki Minabarony Ukrainy Kirył Budanaŭ zajaviŭ u intervju brytanskamu telekanału ITV.
«Ukraina vierniecca da svaich hranic 1991 hoda, inšych scenaryjaŭ nie budzie i nijakich inšych scenaryjaŭ my nie razhladajem. Pačynajučy sa žniŭnia, buduć adbyvacca peŭnyja padziei, jakija prademanstrujuć usiamu śvietu, što pierałomny momant pačynaje adbyvacca», — zajaviŭ jon.
Budanaŭ padkreślivaje, što Ukraina, niahledziačy na pastupovaje adstupleńnie na ŭschodnim napramku, jakoje jon nazvaŭ taktyčnym, damahajecca pośpiechaŭ u inšych rehijonach, u pryvatnaści, va akupavanaj Rasijaj Chiersonščynie.
Budanaŭ i raniej rabiŭ padobnyja zajavy. U mai jon zajaŭlaŭ, što da kanca hoda Ukraina pavinna zajści na terytoryju Kryma. U toj ža čas jon kaža, što Ukrainie nie chapaje zbroi, kab rabić bolš rašučyja kroki.
