Pratakoł ab ustupleńni Šviecyi i Finlandyi ŭ NATA padpišuć u nastupny aŭtorak
U nastupny aŭtorak Šviecyja i Finlandyja padpišuć pratakoł ab ustupleńni ŭ NATA, kab aficyjna dałučycca da aljansu, zajaviŭ hienieralny sakratar aljansu Jens Stołtenberh.
Učora na samicie NATA prezident Bajden pryvitaŭ zaklučeńnie Turcyjaj trochbakovaha pahadnieńnia ź Finlandyjaj i Švecyjaj, jakoje adkryła šlach da taho, kab sajuźniki zaprasili ich ustupić u Paŭnočnaatłantyčny aljans.
Turcyja pieršapačatkova vykazała piarečańni nakont ustupleńnia Šviecyi i Finlandyi ŭ NATA i zapatrabavała zadavalnieńnia šerahu ŭmoŭ: ekstradycyi asob, jakich Ankara ličyć źviazanymi z terarystami, i harantyi źniaćcia abmiežavańniaŭ na pastaŭku joj zbroi.
Pratakoł ab ustupleńni pavinien być ratyfikavany parłamientami ŭsich 30 krain-sajuźnic, z tym, kab abiedźvie dziaržavy, jakija ŭstupili ŭ NATA, mahli skarystacca pałažeńniami ab kalektyŭnaj abaronie aljansu.
Dziakujučy ŭstupleńniu Šviecyi i Finlandyi ŭ NATA, čalcy aljansu zmohuć prademanstravać rašučaść pierad abliččam Rasii, jakaja siońnia razhladajecca NATA nie jak mahčymy supiernik, a jak pramaja pahroza biaśpiecy.
