Palitviaźnia Andreja Novikava čatyry miesiacy ŭtrymlivali ŭ adzinočnaj kamiery
Pa infarmacyi pravaabaroncaŭ, palitviaźnia Andreja Novikava administracyja babrujskaj kałonii na čatyry miesiaca ŭ jakaści spahnańnia źmiaščała ŭ adzinočnuju kamieru, piša «Viasna».
Ciapier palitviaźnia pieraviali ŭ atrad № 9. Viadoma, što ŭ sakaviku Andreja zakidvali ŭ karcar na 39 dzion.
Nahadajem, palitviaźnia, jaki padčas pradvybarčaj kampanii 2020 hoda byŭ vałancioram inicyjatyŭnaj hrupy Śviatłany Cichanoŭskaj, utrymlivali 7 miesiacaŭ u miežach «spravy Cichanoŭskaha». 26 listapada 2020 hoda Novikava departavali ŭ Rasiju, zabaraniŭšy naviedvać Biełaruś ciaham 10 hadoŭ. Ale mužčyna ŭsio ž taki pryjechaŭ u Biełaruś, kab naviedać žonku ź dziećmi.
5 žniŭnia palitviaźnia asudzili da 2 hadoŭ kałonii za ŭdzieł u hrupavych dziejańniach, jakija hruba parušajuć hramadski paradak, i niezakonnaje pierasiačeńnie miažy.
