Bred Pit kupiŭ novy dom za 40 miljonaŭ dalaraŭ z cudoŭnym vidam na ŭźbiarežža ŭ Kalifornii FOTY
Halivudskaja supierzorka Bred Pit vykłaŭ 40 miljonaŭ dalaraŭ, kab nabyć histaryčny dom 100 hadovaj daŭniny, ź jakoha adkryvajecca cudoŭny vid na centralnaje ŭźbiarežža Kalifornii. Pahladzicie na hetyja aračnyja vokny, čarapičny dach u mižziemnamorskim styli i šyroki vid na akijan.
Małaviadomy fakt, što Pit źjaŭlajecca entuzijastam architektury. Miascovyja ahienty skazali, što pahadnieńnie na kuplu źjaŭlajecca adnym z samych darahich za ŭvieś čas u hetym rajonie.
Viadomy jak D.L. James House, dom datujecca prykładna 1918 hodam i byŭ sprajektavany Čarlzam Samnieram Hrynam, viadomym architektaram pačatku 20-ha stahodździa.
Z 1999 hoda dom naležaŭ kampanii z abmiežavanaj adkaznaściu Searock, źviazanaj z pamierłym u pačatku hetaha hoda čykahskim finansistam Džo Ryčy i jaho žonkaj Šeran Ryčy.
Dom byŭ nazvany ŭ honar svajho pieršapačatkovaha ŭładalnika, biznesmiena i piśmieńnika D. Ł. Džejmsa i pabudavany ź miascovaha piasčaniku i hranitu, paviedamlaje The Gamble House. Pry prajektavańni doma vonkavyja ścieny zbudavayja tak, byccam jany rastuć sa skał.
Heta tolki apošniaje viadomaje pahadnieńnie pa kupli majomaści ŭ rajonie Karmel, źviazanaje sa znakamitaściami. Staradaŭni dom aktrysy sieryjała «Załatyja dziaŭčynki» (The Golden Girls) Beci Uajt niadaŭna byŭ pradadzieny za 10,775 miljona dalaraŭ.
a tut... nu dom i dom. žytło. ale Bredu sajdzioć)