U Biarezinskim bijaśfiernym zapaviedniku znajšli čarnicy biełaha koleru

Niezvyčajny bieły koler jahad — heta hiennaja mutacyja hetaha vidu raślin. U takich jahadach adsutničaje pihmientnaje rečyva antacyjan, jakoje adkazvaje za ciomna-siniuju afarboŭku. Tamu płod stanoviacca biaskolernymi to-bok biełym. Na smak čarnicy-albinosy ničym nie adroźnivajucca ad zvyčajnych čornych.

Apošni raz takaja redkaja źjava fiksavałasia batanikami Biarezinskaha bijaśfiernaha zapaviednika ŭ 1979 hodzie — bolš za 40 hadoŭ tamu.

Navukoŭcy navat sprabavali pierasadzić adzin kuścik biełych čarnic u zapaviedny dendrapark, ale jon tut jahad nie davaŭ.

Miascovyja žychary kažuć, što nazirajuć niezvyčajnyja čarnicy ŭ tym samym miescy ŭžo nie adzin dziasiatak hadoŭ. Rekamiendujecca nie źbirać takuju jahadu zvykłym sposabam, to-bok ababraŭšy ŭsiu kurcinu, a dać mahčymaść nasieńniu raśliny raspaŭsiudzicca. Tady vierahodnaść znoŭ sustreć biełyja čarnicy ŭ Biarezinskim bijaśfiernym zapaviedniku z kožnym hodam budzie ŭsio vyšejšaj.

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

12

0

1

3

1

0