Žychara Babrujska asudzili da pažyćciovaha źniavoleńnia za zabojstva trochhadovaj dziaŭčynki
Mahiloŭski abłasny sud asudziŭ 31-hadovaha babrujčanina M. da pažyćciovaha pazbaŭleńnia voli ŭ papraŭčaj kałonii asablivaha režymu pa abvinavačańni ŭ zabojstvie z asablivaj žorstkaściu trochhadovaj dziaŭčynki (padpunkty 2 i 6 častki 2 artykuła 139 KK), paviedamlaje pres-słužba Hienieralnaj prakuratury.
Babrujčaninu taksama pastavili ŭ vinu naŭmysnaje pryčynieńnie ciažkaha cialesnaha paškodžańnia (padpunkty 1 i 3 častki 2 artykuła 147 KK) i katavańnie (častka 2 artykuła 154 KK) niepaŭnaletniaj. Sud abaviazaŭ jaho vypłacić štraf u pamiery 200 bazavych vieličyń.
Pa viersii viedamstva, abvinavačany z červienia pa kastryčnik 2021 hoda, budučy niećviarozym, źbivaŭ dzicia svajoj sužycielki. «Pry hetym M., adčuvajučy svaju biespakaranaść, z kožnym razam pavialičvaŭ kolkaść i ciažar naniesienych dziciaci cialesnych paškodžańniaŭ», — piša pres-słužba Hienprakuratury.
6 kastryčnika 2021 hoda babrujčanin znoŭ źbiŭ dzicia, prytym nie tolki rukami, ale i nieŭstanoŭlenymi pradmietami, u vyniku čaho dziaŭčynka pamierła ad zakrytaj čerapna-mazhavoj traŭmy ŭ mašynie chutkaj dapamohi.
Sam M. u sudzie svaju vinu nie pryznaŭ.
