Znajści
Ałharytmičny łacinski varyjant
04.08.2022 / 13:064RusŁacBieł

Ziankovič płanavaŭ stvarać u Biełarusi «partyju vizijanieraŭ». Što adbyvajecca siońnia ŭ sudzie pa «spravie dziaržpieravarotu»

U Minsku praciahvajecca sud pa «spravie ab zmovie z metaj zachopu dziaržaŭnaj ułady». Na łavie padsudnych — Alaksandr Fiaduta, Ryhor Kastusioŭ, Volha Hałubovič, Dzianis Kraŭčuk, Juryj Ziankovič, jakija ŭtrymlivajucca za kratami bolš za 15 miesiacaŭ. Na sudzie ŭsim začytali abvinavačvańni. Fiaduta pryznaŭ vinu častkova, a Kastusioŭ — nie pryznaŭ, Kraŭčuk i Hałubovič — pryznali vinu całkam. «Viasna» sočyć za sudovym pracesam i raspaviadaje, jak jon prachodzić.

Piaty dzień suda pa «spravie zmoŭščykaŭ» pačaŭsia z dopytu śviedak. Pieršymi pačali davać pakazańni ŭ sudzie śviedki, jakich vyklikaŭ bok abvinavačvańnia. Pakazańni daŭ muž abvinavačanaj Volhi Hałubovič, jon hramadzianin Małdovy, ale žyvie i pracuje ŭ Biełarusi.

Adkazvajučy na pytańni prakurora, muž abvinavačanaj paćvierdziŭ infarmacyju pra toje, što jaho žonka atrymlivała i pieradavała hrošy ad Juryja Ziankoviča, častka jakich, jak ustanaviła śledstva, išli na apłatu štrafaŭ pratestoŭcaŭ.

Pavodle jaho słovaŭ, za pasłuhi Volzie Hałubovič płacili kožny miesiac pa 200 dalaraŭ.

Muž Hałubovič taksama raspavioŭ sudu, što čuŭ infarmacyju pra toje, što Ziankovič płanavaŭ stvarać u Biełarusi «partyju vizijanieraŭ».

Na sudzie jon adznačyŭ, što papiaredžvaŭ žonku, kab jana «bajałasia ŭklučeńnia ŭ palityčnuju dziejnaść». Muž Hałubovič udakładniŭ, što hrošy ad Ziankoviča jany chavali ŭ vyhladzie «zakładak», u tym liku adna ź ich była na mohiłkach, tam jany schavali piać tysiač dalaraŭ.

Abvinavačany Kraŭčuk u sudzie zajaviŭ, što paznaŭ śviedku — jon ź im sustrakaŭsia paru razoŭ u vieraśni 2020 hoda, atrymaŭ hrošy ŭ pamiery dvuch tysiač dalaraŭ, paśla čaho advioz ich na vakzał i pakłaŭ u jačejku kamiery zachoŭvańnia.

Taksama siońnia ŭ sud dla dačy pakazańniaŭ vyklikanaja śviedka z boku abarony Alaksandra Fiaduty, fiłosaf Volha Abramava. Jana raspaviała sudu, što znajomaja ź Fiadutam z 1993 hoda, tady jany paznajomilisia ŭ kułuarach telestudyi, kali prymali ŭdzieł u pieradačy. Pavodle jaje słovaŭ, Fiaduta ŭžo tady vykazvaŭsia za mirnyja reformy.

«Jon čałaviek tonkaj dušeŭnaj arhanizacyi i staramodnaha etykietu. Jon zaŭsiody pry sustrečach z žančynami całavaŭ im ručki», — skazała Abramava.

Jana adznačyła, što Fiaduta nie byŭ radykałam i nie imknuŭsia da ŭłady, heta nie było jaho metaj:

«Fiaduta — čałaviek pryncypaŭ, jon zaŭsiody byŭ prychilnikam mirnych pieramien i nikoli nie imknuŭsia da ŭłady. Ułada nikoli nie była samametaj. Jon nikoli nie byŭ radykałam».

Adkazvajučy na pytańnie prakurora, Abramava zajaviła, što, na jaje dumku, Fiaduta nikoli nie pomściŭ za toje, što jamu daviałosia bolš za 20 hadoŭ tamu syści z pasady z administracyi prezidenta. Jana taksama vykazała svajo staŭleńnie da taho, što jon byŭ zatrymany:

«U mianie byŭ šok, jak jon moh ździejśnić takoje hłupstva z takoj strukturaj asoby».

Na jaje dumku, jaho ŭ hetaje złačynstva ŭciahnuŭ Dźmitryj Ščyhielski.

Adkazvajučy na pytańnie prakurora pra toje, dla čaho jamu patrebny byŭ Fiaduta, Abramava skazała: «Mazhi».

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Kažan/adkazać/
04.08.2022
Jaki žach! Niaŭžo-ž niama na ich upravy na hetych usich "sudździaŭ-mudździaŭ". Tam u Miensku jdzie nia sud, a niejkaja złodziejskaja praviła meta jakoj, kab ludzi hrošy addali. Niama, prosta, niama słovaŭ.
0
vieronika/adkazać/
04.08.2022
Otviečaja na vopros prokurora, dla čieho jemu nužien był Fieduta, Abramova skazała: «Mozhi»   --- kak budto "vožyk" pročitała))))
https://dcsfxzu8xls6u.cloudfront.net/ru/296715

0
bieł/adkazać/
04.08.2022
Fiaduda ź Ziankovičam choć u Maskvu jeździli, a Kostusieŭ, uvohule, siadzieŭ doma, nikoha nie čapaŭ i ŭsio roŭna papaŭ..
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031